ISAIAH 41:2 - Edisana ñwed Abasi Ibom

² Anie ekedemere owo ke edem usiaha-utin? Edinen ido eyekot enye edi ke ɔtɔ ukot esie? Eyeda mme idut onim enye ke iso, eyenam enye edigi ndidem; eyeda mmɔ ɔnɔ ofut esie, nte ntan, ɔnɔ utiga esie, nte mbio eke ekpɔride efep.

ISAIAH 41:2 ပူးပေါင်းရင်းမြစ်များ

GENESIS 11:31

Ndien Terah ada Abram eyen esie, ye Lot eyen Haran, eyen eyen esiemɔ, ye Sarai ukot esie, ŋwan Abram eyen esie; ndien mmɔ etiene mmɔ edaha ke Ur mme Chaldee, ete ika isɔŋ Canaan ndien mmɔ edisim Haran, enyuŋ eduŋ do.

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

2 SAMUEL 22:43

Ndien nnuak mmɔ emem nte ntan isɔŋ: ntim mmɔ nte mbat efak, nnyuŋ ndigi mmɔ.

2 NDIDEM 13:7

Koro enye mikɔkpɔŋke owo inɔ Jehoahaz, ke mibɔhɔke mbon horse aba ye duop, ye chariot duop, ye tɔsin mbon-ekɔŋ duop: koro edidem Syria okosobode mmɔ, okonyuŋ anuakde mmɔ onim nte ntɔŋ.

2 CHRONICLES 36:23

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot: enye omonyuŋ owuk mi, ete ndiɔŋ ufɔk nnɔ imɔ ke Jerusalem, emi odude ke Judah. Anie owo ikɔt esie kpukpru odu ke otu mbufo? Yak Jehovah Abasi esie odu ye enye, yak enye onyuŋ ɔdɔk.

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

ISAIAH 40:24

Itimke itɔ mmɔ ke isɔŋ ima: ndien enye ofuri mmɔ, ndien mmɔ ekpaŋa, idio eyenyuŋ ɔkpɔri mmɔ efep nte mbio.

ISAIAH 41:25

Mma ndemere owo kiet ke edere, ndien enye emedi: enye eyetie ke edem usiaha-utin okot enyiŋ mi: ndien enye eyesaŋa mbɔŋ ke idem nte mbat, ye nte obot-eso edigide mbat eso.

ISAIAH 41:3

Enye eyebine mmɔ, eyesaŋa ebe ke ifure; idisaŋake ke usuŋ ke ukot esie.

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

ISAIAH 45:13

Ami ndemere enye nsin ke edinen ido, nyenyuŋ nneŋere kpukpru usuŋ esie: enye eyebɔp obio mi, onyuŋ asana ikɔt mi emi eketaŋde efep, ayak, idige ke utip inyuŋ idige ke enɔ.

ISAIAH 46:11

Ŋkot ntrukpom, nte oto ke edem usiaha-utin edi; ŋkot owo uduak esie, nte oto ke anyan idut edi: ŋkɔm mma ndɔhɔ, nyenyuŋ nnam enye edi ŋko; mma mbot, nyenyuŋ nnam enye.

ISAIAH 48:15

Ami, kpa ami, ŋkɔdɔhɔ; ŋkot enye edi ŋko: nda enye ndi, ndien enye okut unen ke usuŋ esie.

ŊWED ESEME 1:15

Ɔbɔŋ ese kpukpru mbon uko mi ke ufɔt mi ke ndek: enye okot owo esop idem ebaŋa mi, man enuak mkparawa mi. Ɔbɔŋ ama edigi udigi-wine adiaha Judah eyenɔwɔŋ.

MME HEBREW 7:1

KORO Melchizedek emi-emi ekedide edidem Salem, ye oku Abasi Ibom, emi osobode ye Abraham ke ini enye otode ndiwot ndidem afiak edi onyuŋ ɔdiɔŋde enye:

ERIYARARE 16:12

Ɔyɔhɔ angel itiokiet aŋwaŋa eso esie ɔduɔk ke akwa akpa Euphrates; mmɔŋ akpa oro onyuŋ akabare asat, man etim afaŋ enim enɔ ndidem emi editode ke edem usiaha-utin edi.

ERIYARARE 7:2

Ndien ŋkut angel eŋwen otode ke edem usiaha-utin ɔdɔk, emi enyenede ufik-ŋkpɔ Abasi uwem; ndien enye ada ɔkpɔsɔŋ uyo okot mme angel inaŋ oro eyakde odudu enɔ mmɔ ndibiat obot ye inyaŋ, ete,