ISAIAH 41:16 - Edisana ñwed Abasi Ibom

¹⁶ Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ISAIAH 41:16 ပူးပေါင်းရင်းမြစ်များ

ŊWED MME PSALM 1:4

Mme idiɔk owo itiehe ntem; edi mmɔ ebiet mbio eke ofum asuande.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 28:5

Ke usen oro Jehovah mme udim eyekebare edi diadem uyai, ye anyanya ubɔŋ ikɔt esie eke esuhɔde;

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 29:5

Ndien akwa otu isen owo fo eyebiet obu, akwa otu mbon afai eyenyuŋ ebiet mbio eke ekpɔride efep: ndien ŋkpɔ emi eyebuat ke ini kiet.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 40:24

Itimke itɔ mmɔ ke isɔŋ ima: ndien enye ofuri mmɔ, ndien mmɔ ekpaŋa, idio eyenyuŋ ɔkpɔri mmɔ efep nte mbio.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 60:19

Utin ididige aba uŋwana fo ke uwemeyo; ɔfiɔŋ idinyuŋ idaha uŋwana iŋwaŋa fi: ndien Jehovah eyedi nsinsi uŋwana fo, Abasi fo eyenyuŋ edi uyai fo.

ISAIAH 65:18

Edi mbufo edat esit, enyuŋ ebre nsinsi ke se ami mbotde: koro, sese, ami mbot Jerusalem ke ŋkpɔ inemesit, mbot mbio esie ke ŋkpɔ idaresit.

JEREMIAH 15:7

Ndien nyeda usak-ŋkpɔ nsak mmɔ ke inua-otop isɔŋ; mmɔbɔ ikɔt mi nditɔ mmɔ, nnyuŋ nsobo mmɔ, mmɔ ikabakede ikpɔŋ usuŋ mmɔ.

JEREMIAH 51:2

ndien nyedɔŋ isen owo utom ke Babylon, ndien mmɔ eyesak enye nte ibokpot, enyuŋ enam isɔŋ esie edi ukpɔk: koro mmɔ edikande enye ekuk ke usen ukut.

JEREMIAH 51:20

Afo edi okpoyom mi ye ŋkpɔ ekɔŋ: mma nnyuŋ nda fi nsuan mme idut; mma nnyuŋ nda fi nsobo obio;

JEREMIAH 51:33

Koro ntem ke Jehovah mme udim Abasi Israel ɔdɔhɔ, ete, Adiaha Babylon ebiet ebiet ubek ibokpot, ke ini eke edigide enye: osuk esisit ndien ini ukpeŋe eyesim enye.

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

HOSEA 11:9

Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

HABAKKUK 3:18

Ndien ami nyedara Jehovah, nyebre mbaŋa Abasi erinyaŋa mi.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.