ISAIAH 41:10 - Edisana ñwed Abasi Ibom

¹⁰ Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:10 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 26:24

Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

GENESIS 31:5

ɔdɔhɔ mmɔ ete, Mmokut iso ete mbufo, nte isehe mi nte akpa; edi Abasi ete mi omodu ye ami.

GENESIS 49:24

enyuŋ esua enye: Edi utiga esie etie ke odudu, ubɔk esie onyuŋ ɔsɔbɔ, oto ke ubɔk Ɔkpɔsɔŋ Abasi Jacob, oto do, Ekpeme-erɔŋ,

2 SAMUEL 22:19

Mmɔ ekebuat mi ke usen ukut mi: edi Jehovah eberi mi ubɔk.

1 CHRONICLES 12:18

Ndien spirit oduk ke idem Amasai, etubom mme ndidaha (ndien enye ɔdɔhɔ), ete, O David, nnyin idi okuomɔ, nnyin ida ke edem fo, O eyen Jesse; emem, emem akam odu ye afo, emem akam onyuŋ odu ye mmɔ eke eŋwamde fi; koro Abasi aŋwamde fi. Ndien David ada mmɔ, onyuŋ onim mmɔ ke mme etubom udim esie.

2 CHRONICLES 20:17

Mbufo ekukpa ndiŋwana ekɔŋ emi: koro Jehovah odude ye mbufo.

2 CHRONICLES 32:8

ubɔk obuk-idem odu ye enye; edi Jehovah Abasi nnyin odu ye nnyin ndinyaŋa nnyin, ndinyuŋ ŋŋwana ekɔŋ nnyin. Ndien mbio-obio ebere idem ke ikɔ Hezekiah edidem Judah.

ŊWED MME PSALM 144:11

Fabare mi, nyuŋ sio mi fep ke ubɔk nditɔ idut, emi inua mmɔ esude nsu, ubɔk nnasia mmɔ onyuŋ edi nnasia abiaŋa.

ŊWED MME PSALM 144:8

emi inua mmɔ osude nsu, ubɔk nnasia mmɔ onyuŋ edi nnasia abiaŋa.

ŊWED MME PSALM 145:14

Edi Jehovah omum mmɔ eke eduɔŋɔde, akama, onyuŋ emenere mmɔ eke enuhɔde.

ŊWED MME PSALM 147:12

O Jerusalem, kɔm Jehovah; O Zion, kɔm Abasi fo.

ŊWED MME PSALM 18:36

Afo aŋwaŋa mi ikpat ukot ke idak, ndien itɔŋ ukot iditeŋke mi.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ŊWED MME PSALM 29:11

Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.

ŊWED MME PSALM 33:12

Ɔfɔfɔn ɔnɔ idut eke Jehovah edide Abasi esie, ɔfɔn ɔnɔ obio eke enye emekde ke udeme esiemɔ.

ŊWED MME PSALM 37:17

Koro ubɔk mme idiɔk owo eyebuŋɔ: edi Jehovah omum nti owo akama.

ŊWED MME PSALM 37:24

Koro enye eyeduɔ, edi idinyanakede ina: koro Jehovah omumde enye ubɔk akama.

ŊWED MME PSALM 41:12

Edi ama edi ami, afo omum mi akama ke mfɔnmma mi, onyuŋ ada mi onim ke iso fo ke nsinsi.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

ŊWED MME PSALM 63:8

Ukpɔŋ mi eyire fi ke edem: ubɔk nnasia fo omum mi akama.

ŊWED MME PSALM 65:5

Afo eyeda akpakop ŋkpɔ ndik ɔbɔrɔ nnyin ke edinen ido, O Abasi, andinyaŋa nnyin, iberedem kpukpru mme utit ererimbot, ye eke inyaŋ, kpa eke mmɔ eke eyomde usuŋ.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 35:4

Mbufo edɔhɔ mbon nnyekesit, ete, Mbufo esɔŋ esit, ekudikhe: sese Abasi mbufo: ufen ke edi, usiene Abasi; enye eyedi edinyaŋa mbufo.

ISAIAH 37:6

Ntem ke mbufo edidɔhɔ ete mbufo, ete, Ntem ke Jehovah ɔdɔhɔ, ete, Kufehe ubaŋa ikɔ oro afo okokopde, emi ikɔt edidem Assyria edade esuene mi.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 49:8

Ntem ke Jehovah ɔdɔhɔ, ete, Mma nyere fi ke ini mfɔnido, mma nnyuŋ nnyaŋa fi ke usen erinyaŋa; ndien ami nyenyuŋ ŋkpeme fi, nnyuŋ nnim fi ke ediomi mbio-obio, man afo eneŋere ererimbot onim, onyuŋ edeme udeme eke ebiarade;

ISAIAH 50:9

Yak enye asaŋa ekpere mi. Sese, Ɔbɔŋ Jehovah eyenyaŋa mi; anie edinam ikpe otip mi? Sese, kpukpru mmɔ eyetaha nte ɔfɔŋidem: ŋkpri unam eyeta mmɔ.

ISAIAH 52:7

Ukot owo eti mbuk eye didie ke enyɔŋ ikpɔ obot! ukot owo eke ɔkwɔrɔde emem, eke obukde eti ŋkpɔ, eke ɔkwɔrɔde erinyaŋa; ɔdɔhɔ Zion, ete, Abasi fo ada ubɔŋ! (Kop!)

ISAIAH 60:19

Utin ididige aba uŋwana fo ke uwemeyo; ɔfiɔŋ idinyuŋ idaha uŋwana iŋwaŋa fi: ndien Jehovah eyedi nsinsi uŋwana fo, Abasi fo eyenyuŋ edi uyai fo.

ŊWED ESEME 3:57

Afo asaŋa ekpere ke usen eke mfioride ŋkot fi: afo ɔdɔhɔ, ete, Kufehe.

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.

DANIEL 6:16

Ndien edidem ɔnɔ uyo, ndien eda Daniel edi ediduɔk ke obube mme lion. Edidem ɔbɔrɔ onyuŋ ɔdɔhɔ Daniel, ete, Abasi fo emi afo anamde ŋkpɔ esie kpukpru ini, eyenyaŋa fi.

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

HAGGAI 2:5

emi edi uyo oro ŋkodiomide ye mbufo, ke ini oro mbufo eketode ke Egypt ewɔŋɔ, ndien spirit mi ke osuk ebigi ke ufɔt mbufo: mbufo ekufehe ndik.

ZECHARIAH 10:12

Nyenyuŋ nnam mmɔ esɔŋ ke Jehovah; ndien mmɔ eyesaŋa ke enyiŋ esie, ke edi Jehovah ɔdɔhɔ.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:30

Ndien angel ɔdɔhɔ enye ete, Kufehe ndik, Mary: koro afo ama okut mfɔn-iso ke iso Abasi.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

2 ŊWED CORINTH 12:9

Edi Enye ete mi, Mfɔn mi ke ekekem fi; koro enamde odudu Mi ɔfɔn ama ke mmem-idem. Ntre ke adat mi esit eti-eti ndinam mbure ke mmem-idem mi, man odudu Christ odoro ofuk mi.

ŊWED MBON EPHESUS 3:16

nte, Enye akpakam ada Spirit Esie anam mbufo esɔŋɔ idem enyene odudu ke ukpɔŋ, nte ekemde ye uwak ubɔŋ Esie;

DEUTERONOMY 20:1

KE adaŋemi afo ediwɔrɔde aka ekɔŋ ye mme asua fo, edinyuŋ okutde mme horse, ye mme chariot, ye mbon ekɔŋ ewakde ekan fi, kubak mmɔ: koro Jehovah Abasi fo emi okosiode fi ke isɔŋ Egypt, ododu ye afo.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JUDGES 6:16

Ndien Jehovah ɔdɔhɔ enye, ete, Nditreke ndidu ye afo; ndien afo eyekɔt Midian anuak nte owo kiet.