ISAIAH 40:5 - Edisana ñwed Abasi Ibom

⁵ ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.

ISAIAH 40:5 ပူးပေါင်းရင်းမြစ်များ

1 NDIDEM 14:11

Mme ebua eyeta owo Jeroboam eke akpade ke obio, mme inuen enyɔŋ eyenyuŋ eta owo eke akpade ke iŋwaŋ: koro edi Jehovah ɔdɔhɔ.

ŊWED MME PSALM 102:16

Koro Jehovah ɔdiɔŋde Zion; enye ɔmɔbiɔŋɔre ke ubɔŋ esie.

ŊWED MME PSALM 102:17

Enye amakabare ese akam eyen ubuene, inyuŋ isinke akam mmɔ ke ndek.

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

ŊWED MME PSALM 96:6

Ubom ye ubɔŋ edu enye ke iso: odudu ye uyai edu ke edisana ebiet esie.

ŊWED MME PSALM 97:6

Enyɔŋ etaŋa eti ido esie, kpukpru mme idut ekut ubɔŋ esie.

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

ISAIAH 1:20

edi ema esin, enyuŋ esɔŋ ibuot, ofut eyedia mbufo: koro edi inua Jehovah ɔdɔhɔ.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 26:15

Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

ISAIAH 34:16

Mbufo eduŋɔre ke ŋwed Jehovah, enyuŋ ekot: baba kiet ke otu mmɔ isopke, baba kiet inanake nsaŋa esie: koro edi inua mi owuk, onyuŋ edi spirit esie obon mmɔ.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 40:4

Kpukpru itihere ebiet eyemenere ke enyɔŋ, kpukpru ikpɔ ye ŋkpri obot eyenyuŋ esuhɔre: se ikwaŋade eyenyuŋ akabare enen, ibombom eyenyuŋ akabare edi una-isɔŋ:

ISAIAH 41:20

man mmɔ ekut enyuŋ efiɔk, enyuŋ enim ibuot ke esit, enyuŋ etim efiɔk, ke ini kiet, ete ke ubɔk Jehovah akanam emi, Edisana Abasi Israel okonyuŋ obot enye.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 58:14

ndien Jehovah eyedat fi esit; ami nyenyuŋ nnam fi odoro ke edikoŋ ebiet isɔŋ, nnyuŋ nnɔ fi akpa Jacob usɔ adia: koro inua Jehovah ɔdɔhɔde.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

ISAIAH 66:16

Koro Jehovah adade ikaŋ ye ofut esie ɔtɔhɔ ye ofuri obukidem: ndien mmɔ eke Jehovah owotde ewak.

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

ISAIAH 66:23

Ndien ama ekem, ke kpukpru ɔfiɔŋ, ye kpukpru sabbath, kpukpru obukidem eyedi edituak ibuot ke iso mi; uyo Jehovah edi emi.

JEREMIAH 32:27

Sese, ami Jehovah ndi Abasi ofuri obukidem: nte ŋkpɔ ekededi ɔsɔŋ akan mi?

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

MICAH 4:4

Ndien kpu-kpru mmɔ eyetie ke idak vine mmɔ ye ke idak fig mmɔ; ndien baba owo kiet eke edinamde mmɔ ndik ididuhe: koro edi inua Jehovah mme udim ɔdɔhɔ.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

LUKE 3:6

Kpukpru owo eyenyuŋ ekut erinyaŋa Jehovah.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 12:41

Isaiah eketiŋ ikɔ emi koro enye okutde ubɔŋ Esie; enye ama onyuŋ etiŋ ŋkpɔ abaŋa Enye.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

UTOM MME APOSTLE 2:17

Abasi ɔdɔhɔ ete, Ama ekem ke ukperedem ini, Nyeŋwaŋa Spirit Mi ndori kpukpru obukidem: Ndien nditɔ-iren mbufo ye nditɔ mbufo iban eyetiŋ prophecy, Mkparawa mbufo eyekut ŋkukut, Mbiowo mbufo eyenyuŋ edaba ndap:

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.