ISAIAH 4:6 - Edisana ñwed Abasi Ibom

⁶ Ndien ataya eyetie nte mfut ke uwemeyo, mbak eyo, ye nte ebiet ubɔhɔ, ye udibe, mbak oyobio ye edim.

ISAIAH 4:6 ပူးပေါင်းရင်းမြစ်များ

ŊWED MME PSALM 27:5

Koro enye eyefuk mi ke ataya esie ke usen idiɔk: eyedip mi ke ndibe ebiet iduŋ esie; onyuŋ emenere mi odori ke ebiet akwa itiat.

ŊWED MME PSALM 55:8

Ŋkpawara mbɔhɔ usɔp ofum ye oyobio.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 14:32

Edibɔrɔ ndien mme isuŋutom mme idut didie? Ete ke Jehovah omowuk Zion, ndien mbon ukut ke otu ikɔt esie ebɔhɔ eka do.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

ISAIAH 32:1

SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ISAIAH 8:14

Ndien enye eyedi se ufɔk Israel mbiba enimde ke edisana, ye itiat utuaha, ye akwa itiat eke esinde mmɔ eduɔŋɔ, ye afia ye mfine mme andiduŋ Jerusalem.

EZEKIEL 11:16

Dɔhɔ ntem ndien, ete, Ntem ke Ɔbɔŋ Jehovah ɔdɔhɔ, ete, Koro mma mbin mmɔ mfep nnim anyan ebiet ke otu mme idut, mma nnyuŋ nsuan mmɔ ke otu mme obio, ntre ke ndikabare ndi edisana ebiet mmɔ ke ini esisit ke mme obio emi mmɔ ekade do.

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

ERIYARARE 7:16

Mmɔ idikopke aba biɔŋ, idinyuŋ ikopke aba nsatitɔŋ;