ISAIAH 4:5 - Edisana ñwed Abasi Ibom

⁵ Ndien ke enyɔŋ ofuri iduŋ obot Zion, ye ke enyɔŋ mme esop esie, ke Jehovah edinam obubit enyɔŋ ye nsuŋikaŋ ke uwemeyo, ye edisak edemikaŋ ke okoneyo: koro ŋkpɔ eyefuhɔ ke ofuri ubɔŋ.

ISAIAH 4:5 ပူးပေါင်းရင်းမြစ်များ

NEHEMIAH 9:12

Ndien ŋko afo ada mmɔ usuŋ ke adaha obubit enyɔŋ ke uwemeyo; ye ke adaha ikaŋ ke okoneyo, ndiŋwaŋa ɔkpɔ-usuŋ eke mmɔ esaŋade ke esit nnɔ mmɔ.

ŊWED MME PSALM 105:39

Enye ebri obubit enyɔŋ ke ufuhɔ-ŋkpɔ; ye ikaŋ eke ayamade ke okoneyo.

ŊWED MME PSALM 111:1

MBUFO etoro Jehovah! Ami nyekɔm Jehovah ke ofuri esit, ke otu mbon edinen ido, ye ke otu mbon esop.

ŊWED MME PSALM 78:14

Onyuŋ ada obubit enyɔŋ eteme mmɔ usuŋ ke uwemeyo, onyuŋ ada edisak ikaŋ eteme mmɔ ke ofuri okoneyo.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

ŊWED MME PSALM 89:7

Abasi ekpenyene uteŋe ke odu ndisana owo; ndik esie okonyuŋ odoro kpukpru owo eke ekande enye ekuk.

EXODUS 14:24

Edikem, ke ŋkim-ŋwaŋa usenubɔk Jehovah etie ke adaha ikaŋ ye eke obubit enyɔŋ, ese mme udim nditɔ Egypt, onyuŋ etimere mme udim nditɔ Egypt:

EXODUS 24:16

Ndien ubɔŋ Jehovah oduŋ ke obot Sinai, obubit enyɔŋ onyuŋ ofuk enye ke ofuri usen itiokiet: ndien ekem ke ɔyɔhɔ usen itiaba, Enye etie ke ufɔt obubit enyɔŋ okot Moses.

EXODUS 26:1

NDIEN ŋko nam ebiet-iduŋ ke ikpehe duop eti edifiak linen, ye ke awawa, ye ke purple, ye ke ididuot, nam mmɔ sin cherubim ubɔk-usɔ.

EXODUS 26:7

Ndien da idet ebot nam ikpehe, ete etie nte tent ke enyɔŋ ebiet-iduŋ oro: nam ikpehe duopekiet.

ISAIAH 32:18

Ndien ikɔt mi eyeduŋ ke ufɔk emem, ye ke iduŋ ifure, ye ke ebiet nduɔk-odudu eke edide suŋ-suŋ;

ISAIAH 33:20

Se Zion obio ederi nnyin, enyin fo eyekut Jerusalem iduŋ ifure, tent eke midiwuhɔkede; ididibekede mme ɔkpɔhɔ esie ke nsinsi, baba uruk esie kiet idinyuŋ ikibeke.

ISAIAH 37:35

Emi edi uyo Jehovah. Ndien ami nyekpeme obio emi nnyuŋ nnyaŋa enye, mbaŋa idem mi, nnyuŋ mbaŋa David owo mi.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

ISAIAH 60:2

Koro, sese, ekim eyefuk ererimbot, ɔkpɔsɔŋ ekim eyenyuŋ ofuk mme idut: edi Jehovah eyesiaha ɔnɔ fi, eyenyuŋ ekut ubɔŋ esie eke odorode fi.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.