ISAIAH 4:4 - Edisana ñwed Abasi Ibom

⁴ Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

ISAIAH 4:4 ပူးပေါင်းရင်းမြစ်များ

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

IKWƆ SOLOMON 3:11

Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

ISAIAH 1:25

ndien nyeda ubɔk mi mfiak ntiene fi, nnyuŋ nuk ifuɔ fo mfep nnam asana, nnyuŋ ndianare kpukpru ŋket fo mfep:

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 28:6

onyuŋ edi spirit ikpe mmɔ eke etiede ke itie ikpe, onyuŋ edi odudu mmɔ eke ebinde ekɔŋ efep ke inua-otop.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

ISAIAH 9:5

Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

ŊWED ESEME 1:9

Ndek esie odu enye ke ɔfɔŋ idem; enye ikereke akpatre esie; mmɔdo enye ɔsuhɔrede utibe-utibe: baba owo kiet idɔŋke enye esit. O Jehovah, se ukut mi: koro asua ama ataŋ idem.

EZEKIEL 22:15

Ndien ami nyesuan fi ke otu mme idut, nnyuŋ ŋkpɔri fi nsin ke mme obio, nnyuŋ nsobo ndek fo ke ufɔt fo mma.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 36:29

Ndien nyenyaŋa mbufo nsio kpukpru ndek mbufo mfep: nyenyuŋ ŋkot ibokpot edi, nnyuŋ nnam enye awak, ndinyuŋ ndorike mbufo akaŋ.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

ZEPHANIAH 3:1

ƆDIƆK ɔnɔ owo eke ɔsɔŋde ibuot onyuŋ edehede, obio utuk!

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.