ISAIAH 39:2 - Edisana ñwed Abasi Ibom

² Ndien Hezekiah adat esit abaŋa mmɔ, onyuŋ owut mmɔ ufɔk unim-ŋkpɔ-uto esie, ye silver, ye gold, ye ufuɔŋkpɔ, ye eti aran, ye ofuri ufɔk ŋkpɔ-ekɔŋ esie, ye kpukpru se idude ke ebiet unim-ŋkpɔ-uto esie: baba ŋkpɔ kiet eke Hezekiah miwutke mmɔ iduhe ke ufɔk esie, ye ke ofuri edem emi enye akarade.

ISAIAH 39:2 ပူးပေါင်းရင်းမြစ်များ

1 NDIDEM 10:10

Ndien enye ɔnɔ edidem talent gold ikie ye edip, ye ediwak ufuɔ ŋkpɔ eti -eti, ye ɔsɔŋ-urua itiat: oruk uwak ufuɔ ŋkpɔ idige aba nte eke ɔbɔŋ aŋwan Sheba ɔkɔnɔde Solomon.

1 NDIDEM 10:15

ɔkɔrɔ ye se enye ɔbɔde mbon-urua, ye utom urua mbon-mbubine, ye kpukpru mbon Arabia, ye mme andikara mme idut.

1 NDIDEM 10:2

Enye onyuŋ ada ata akamba udim, kpa camel eke ebiomde ufuɔŋkpɔ, ye ata ediwak gold, ye ndiye itiat, aka ke Jerusalem: ndien enye aka ke ɔtɔ Solomon, ekeneme nneme ye enye abaŋa kpukpru se idude enye ke esit.

1 NDIDEM 10:25

Kpukpru mmɔ enyuŋ eda enɔ mmɔ edi, kpa ŋkpɔ silver, ye ŋkpɔ gold, ye edisine-ŋkpɔ, ye ŋkpɔ ekɔŋ, ye ufuɔŋkpɔ, ye horse, ye mule, nte enimde ibat ke isua ke isua.

2 NDIDEM 20:13

Ndien Hezekiah okop uyo mmɔ, onyuŋ owut mmɔ ofuri ufɔk ŋkpɔ-uto esie, ye silver, ye gold, ye ufuɔŋkpɔ, ye edifɔn aran, ye ofuri ufɔk ŋkpɔ-ekɔŋ esie, ye kpukpru se ekutde ke ebiet unim-ŋkpɔ esie: ŋkpɔ baba kiet eke Hezekiah miwutke mmɔ, iduhe ke ufɔk esiemɔ, ye ke ofuri idut emi enye akarade.

2 CHRONICLES 32:25

Edi Hezekiah inamke usiene ke ufɔŋ emi efɔnde enye; koro esit esie emenerede ke enyɔŋ: mmɔdo iyaresit odorode enye ke idem, ye ke idem Judah ye Jerusalem.

2 CHRONICLES 32:27

Ekem Hezekiah enyene inyene ye ubɔŋ eti-eti: enye onyuŋ anam ebiet unim-ŋkpɔ-uto ke idem esie ɔnɔ silver, ye gold, ye ndiye itiat, ye ufuɔŋkpɔ, ye otu-ekɔŋ, ye kpukpru ŋkpɔ inemesit:

2 CHRONICLES 32:31

Edi ke ikɔ mme isuŋutom mbɔŋ Babylon oro ekedɔŋde ekebup ŋkpɔ ndyɔ oro ekenamde ke isɔŋ, Abasi, ɔkpɔŋ enye, ete idomo ifiɔk kpukpru se idude enye ke esit.

2 CHRONICLES 9:1

EKEM ɔbɔŋ-aŋwan Sheba okop etop Solomon, ndien enye adaha aka ke Jerusalem ndidomo Solomon ke ŋke, asaŋa ye ata akamba udim, ye camel eke ebiomde ufuɔŋkpɔ, ye ata ediwak gold, ye itiat eke esɔŋde urua: ndien adaŋemi enye osimde ɔtɔ Solomon, enye ada kpukpru se idude enye ke esit, eneme ye enye.

2 CHRONICLES 9:9

Ndien enye ɔnɔ edidem talent gold ikie ye edip, ye ata ediwak ufuɔŋkpɔ, ye nsɔŋ-urua itiat: ndien oruk ufuɔŋ-ŋkpɔ nte oro ɔbɔŋ-aŋwan Sheba ɔnɔde Solomon iduhe.

ŊWED JOB 31:25

Edieke ndatde esit, koro inyene mi okponde, koro ubɔk mi okutde ediwak ŋkpɔ ŋko:

MME ŊKE 4:23

Tim kpeme esit fo kan kpukpru se ekpemede; koro uwem otode enye.

ECCLESIASTES 7:20

Koro baba eti owo kiet eke anamde eti ndien midiɔkke, iduhe ke ererimbot.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

2 ŊWED CORINTH 12:7

Koro se eyararede enɔ mi okponde eti-eti; ntre, mbak ndiseri iseri ŋkaha, ke esin mi ŋkukim ke obukidem, isuŋutom Satan edituai mi, mbak ndiseri iseri ŋkaha.

1 JOHN 1:8

Edieke nnyin idɔhɔde ite, nnyin inyeneke idiɔk-ŋkpɔ, nnyin ibabiaŋa idem, akpanikɔ inyuŋ iduhe nnyin ke esit.