ISAIAH 38:2 - Edisana ñwed Abasi Ibom

² Ndien Hezekiah akabare iso esie ese ibibene, onyuŋ ekpe Jehovah ubɔk.

ISAIAH 38:2 ပူးပေါင်းရင်းမြစ်များ

1 NDIDEM 8:30

Kop ndien mkpe-ubɔk owo fo, ye eke ikɔt fo Israel, eke mmɔ edinamde ese ebiet emi: afo nyuŋ tie ke ebiet iduŋ fo ke enyɔŋ kop: ndien ke ini afo okopde, dahado.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ISAIAH 38:1

KE ini oro Hezekiah ɔdɔŋɔ oyom ndikpa. Ndien Isaiah prophet eyen Amoz edi ke ɔtɔ esie, edidɔhɔ enye, ete, Ntem ke Jehovah ɔdɔhɔ ete, Nɔ item baŋa ufɔk fo: koro afo ɔmɔŋ akpa, udunyuŋ uduhe uwem.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

MATTHEW 6:6

Edi ama edi afo, ke ini ɔbɔŋde akam, duk ke esit ubet fo, beri usuŋ, bɔŋ akam nɔ Ete fo emi odude ke ndibe, ndien Ete fo emi okutde ke ndibe eyenɔ fi usiene.