ISAIAH 38:16 - Edisana ñwed Abasi Ibom

¹⁶ O Ɔbɔŋ, owo eda mme mmɔ emi edu uwem, ndien ofuri uwem spirit mi odu mmɔ ke esit: afo eyenyuŋ edemere mi, onyuŋ onim mi ke uwem.

ISAIAH 38:16 ပူးပေါင်းရင်းမြစ်များ

ŊWED MME PSALM 119:25

Ukpɔŋ mi adiana ke ntan; nim mi uwem, nte ikɔ fo asaŋade.

ŊWED MME PSALM 119:71

Ɔfɔn ye ami koro ŋkokutde ukut; man ŋkpep mbet fo.

ŊWED MME PSALM 119:75

O Jehovah, mmɔfiɔk nte mme ikpe fo enende: akpanikɔ omonyuŋ esin fi otuk mi.

ŊWED MME PSALM 30:3

O Jehovah, afo ekemenere ukpɔŋ mi osio ke udi: osio mi ke otu mmɔ eke esuhɔrede ke obube, onim ke uwem.

ŊWED MME PSALM 39:13

Fep mi enyin fo, man iso aŋwaŋa mi, ke mmendahake kaŋa, mmenyuŋ nduhe aba.

ŊWED MME PSALM 71:20

Afo emi anamde nnyin ikut ikpɔ ye mme idiɔk ukut, eyenam nnyin itɔŋɔ ntak idu uwem, onyuŋ anam nnyin itɔŋɔ ntak ito ke edituŋɔ ebiet isɔŋ idɔk.

ISAIAH 64:5

Afo osobo ye owo eke adatde esit ke erinam edinen ido, eke adade usuŋ fo eti fi. Sese, afo amayat esit: ndien nnyin inam idiɔk: nsinsi ubigi odu mmɔ oro ke esit, ndien eyenyaŋa nnyin.

MATTHEW 4:4

Edi Jesus ɔbɔrɔ ete, Ema ewet ete, Idige uyo ikpɔŋ ke owo edida idu uwem, edi edida kpukpru ikɔ eke ewɔrɔde Abasi ke inua odu.

1 ŊWED CORINTH 11:32

Edi ke ini Ɔbɔŋ ekpede ikpe ye nnyin, Enye ɔtunɔ nnyin, mbak edibiom nnyin ikpe ye ererimbot.

2 ŊWED CORINTH 4:17

Koro mfefere ukut nnyin, emi midibigike bigi, ɔdɔdiɔŋ anam nnyin inyene nsinsi ubɔŋ, eke okponde odobi;

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?