ISAIAH 32:1 - Edisana ñwed Abasi Ibom

¹ SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

ISAIAH 32:1 ပူးပေါင်းရင်းမြစ်များ

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

ŊWED MME PSALM 45:1

ETI ikɔ ofofut mi ke esit: ami ntiŋ se ŋkanamde nnɔ edidem; edeme mi edi nteŋwed owo ekeɔsɔpde ubɔk ewet.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ISAIAH 11:5

Ndien edinen ido eyedi ubɔp-ŋkpɔ idem esie, akpanikɔ eyenyuŋ edi mbɔbɔ esie.

ISAIAH 16:5

Ndien eyenim ebekpo ke ima: owo kiet eyenyuŋ ada akpanikɔ etie ke esit ke tent David, ebiere ikɔ, ebine edinen ikpe, onyuŋ awara ndinam se inende.” Nnyin ikokop iseri Moab; ke eseri iseri eti-eti:

ISAIAH 28:6

onyuŋ edi spirit ikpe mmɔ eke etiede ke itie ikpe, onyuŋ edi odudu mmɔ eke ebinde ekɔŋ efep ke inua-otop.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 4:6

Ndien ataya eyetie nte mfut ke uwemeyo, mbak eyo, ye nte ebiet ubɔhɔ, ye udibe, mbak oyobio ye edim.

JEREMIAH 33:14

Jehovah ɔdɔhɔ, ete, Sese, mme usen ke edi eke ndimade eti ikɔ oro ŋkɔdɔhɔde ufɔk Israel ye ufɔk Judah.

JEREMIAH 33:15

Ke mme usen oro, ye ke ini oro, ke ndinam edinen nsehe otibe ɔnɔ David; ndien enye eyenam edinen ikpe ke ererimbot.

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.