ISAIAH 3:5 - Edisana ñwed Abasi Ibom

⁵ Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.

ISAIAH 3:5 ပူးပေါင်းရင်းမြစ်များ

2 NDIDEM 2:23

Ekem enye oto do aka ɔkɔdɔk ke Beth-el: ndien nte enye asaŋade ke usuŋ, ŋkpri nditɔ eto ke obio, edisak enye nsahi, enyuŋ edɔhɔ enye, ete, Ibɔ, dɔk: ibɔ, dɔk.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ISAIAH 11:13

Ndien ufup Ephraim eyetre, eyenyuŋ esibe mme asua Judah efep; Ephraim idifibeke Judah ufup, Judah idinyuŋ ituhɔke Ephraim.

ISAIAH 19:2

Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

JEREMIAH 22:17

Edi enyin fo ye esit fo isehe baba ŋkpɔ kiet ke mibɔhɔke udori fo, ye iyip owo eke miduehe isop, ete iduɔk enye, ke mibɔhɔke utuk ye nnama, ete inam mmɔ.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

LEVITICUS 19:32

Daha da ke iso owo iwat, nyuŋ kpono ebiowo iso, nyuŋ bak Abasi fo: ami ndi Jehovah.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

ZECHARIAH 11:6

Koro mmendituaha aba mme andiduŋ isɔŋ emi mbɔm, Jehovah ɔdɔhɔ: ndien, sese, ami nyeda kpukpru owo kiet kiet nsin mbɔhiduŋ mmɔ ke ubɔk, ye ke ubɔk edidem mmɔ: ndien mmɔ eyesuan obio, ami ndinyuŋ nsioho owo ke ubɔk mmɔ.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 26:67

Ekem mmɔ etɔ Enye etap ke iso, enyuŋ etɔŋɔ Enye ita:

MARK 14:65

Ekem ndusuk mmɔ etɔŋɔ nditɔ Enye etap, ndinyuŋ mfuk iso Esie, nnyuŋ ntuai Enye, nnyuŋ ndɔhɔ Enye ete, Tiŋ nte prophet: mme asaŋutom enyuŋ ebɔ Enye ke ubɔk mmɔ oro ye ufia.

LUKE 22:64

Mmɔ eda ŋkpɔ ebɔp Enye enyin, enyuŋ ebup Enye ete, Siak enyiŋ owo eke oyibide Fi.

JAMES 2:6

Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.