ISAIAH 3:14 - Edisana ñwed Abasi Ibom

¹⁴ Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

ISAIAH 3:14 ပူးပေါင်းရင်းမြစ်များ

ŊWED JOB 22:4

Nte ndik fo edisin enye anam ikɔ etebe fi? Nte enye ediduk ikpe ye afo?

ŊWED JOB 24:14

Ke ini eyo esierede, obom adaha ke enyɔŋ owot eyen unana ye ubuene ndien ke okoneyo enye ebiet inɔ.

ŊWED JOB 24:9

Mmɔ efabere nditɔ-akpa ke eba efep, enyuŋ ebɔ owo-unana ubiɔŋ.

ŊWED JOB 34:23

Koro enye mikpaha nditiŋ enyin esie ke idem owo anyan ini, ke ini owo akade ikpe ke iso Abasi.

ŊWED MME PSALM 10:9

Enye ana ke ndibe, nte lion ke ebiet nna esie; odibe ebet, ete imum ubuene: enye omum ubuene ke ini odudide enye esin ke iyire esie.

ŊWED MME PSALM 14:4

Nte kpukpru mme anam-idiɔk ifiɔkke ŋkpɔ, mmɔ eke ediade ikɔt mi nte ediade udia, ndien isemeke inɔ Jehovah?

ŊWED MME PSALM 143:2

Kunyuŋ ukot owo fo ikpe: koro ikpe misanake baba andidu uwem kiet ke iso fo.

MME ŊKE 30:14

Emana odu, emi edet mmɔ edide ofut, edet etak mbaŋ mmɔ enyuŋ edi ikwa, eke edade eta mbon-ukut ke isɔŋ efep, ye mme ubuene ke otu owo.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

ISAIAH 10:2

man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ISAIAH 14:30

Ndien ikpan mbon unana eyedia ŋkpɔ, mme ubuene eyenyuŋ esuhɔre ena ke mbuɔtidem; ndien nyewot oruŋ fo ke biɔŋ, ndien enye eyewot nsuhɔ fo.

ISAIAH 26:6

Ukot eyedigi enye, kpa ukot mbon ukut, ye ikpat mme ubuene.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 30:12

Mmɔdo ntem ke Edisana Abasi Israel ɔdɔhɔ, ete, Koro mbufo esuade ikɔ emi, enyuŋ ebuɔtde idem mbufo ke utuk ye ŋkwaŋa, enyuŋ eberede idem ke esit:

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 58:4

Sese, mbufo etre udia ke utɔk ye eŋwan, man enyuŋ etop ita idiɔk-ŋkpɔ: mbufo ekutre udia kpa nte ke mfin emi, ke enam ekop uyo mbufo ke enyɔŋ.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 5:27

Kpa nte inuen ɔyɔhɔde ke ɔbɔkpɔ, kpasuk ntre ke abiaŋa ɔyɔhɔ ke ufɔk mmɔ: oro esin mmɔ ekponi, enyuŋ ekɔ inyene.

EZEKIEL 18:12

eke otukde owo ukut ye ubuene, owode ŋwo, ndien misanake ubiɔŋ iyak, onyuŋ emenere enyin esie ese ibɔk, anam mbubiam;

EZEKIEL 20:35

Ndien nyeda mbufo nduk ke wilderness mme idut, nnyuŋ ŋkpe ikpe do ye mbufo iso ye iso.

EZEKIEL 20:36

Kpa nte ŋkekpede ikpe ye mme ete mbufo ke wilderness isɔŋ Egypt, kpa ntre ke ndikpe ŋko ye mbufo; uyo Ɔbɔŋ Jehovah edi emi.

LEVITICUS 25:14

Ndien edieke afo anyamde ŋkpɔ ɔnɔ mbɔhiduŋ fo, mme onyuŋ edepde ŋkpɔ ye mbɔhiduŋ fo, yak kiet okufik kiet.

LEVITICUS 25:17

Ndien mbufo kiet okufik kiet; edi bak Abasi fo: koro ami ndide Jehovah Abasi mbufo.

AMOS 2:7

itɔŋ ntanisɔŋ ke ibuot mbon-unana ɔdɔŋ mmɔ, mmɔ enyuŋ efimede usuŋ mbon ukut efep; ndien owo ye ete esie etiene eyen-aŋwan kiet, man esabare edisana enyiŋ mi.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

MICAH 2:2

Mmɔ enyuŋ esin esit mmɔ ke iŋwaŋ, ndien eda mmɔ ke ŋkanubɔk: enyuŋ esin esit ke ufɔk, ndien ebɔ mmɔ: mmɔ enyuŋ etuk owo ye ufɔk esie, etuk owo ye udeme esie.

MICAH 3:3

emi enyuŋ etade obukidem ikɔt mi, enyuŋ eyararede mmɔ ikpɔk ke idem efep: enyuŋ ebuŋde mme ɔkpɔ mmɔ, enyuŋ ekpokde mmɔ mbio-mbio, kpa nte ke eso, ye nte unam ke caldron.

MICAH 6:10

Nte inyene idiɔk ido esuk ena ke ufɔk idiɔk owo, ye ekpri ephah, ata idiɔk-ŋkpɔ?

MATTHEW 21:33

Mbufo ekop ŋke efen. Owo kiet okodu emi edide ete-ufɔk. Enye onyuŋ ɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine ke esit, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

JAMES 2:6

Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?