ISAIAH 3:11 - Edisana ñwed Abasi Ibom

¹¹ Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

ISAIAH 3:11 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

1 NDIDEM 21:21

Sese, ami mmɔŋ nda idiɔk-ŋkpɔ ntiene fi, nnyuŋ mbine fi ndikpɔri fi mfep, nnyuŋ nsibe irenowo Ahab, ye ofin ye eyen-isɔŋ, mfep ke Israel;

2 CHRONICLES 6:23

tie ndien ke enyɔŋ kop, nyuŋ nam, nyuŋ kpe ikpe ikɔt fo, nyuŋ sio idiɔk owo usiene, da usuŋ esie dori enye ke ibuot; nyuŋ bat edinen owo ke edinen, nyuŋ nɔ enye nte edinen ido esie edide.

ŊWED JOB 10:15

Ŋkpanam idiɔk, ɔdɔdiɔk ɔnɔ mi: ŋkponyuŋ nnen, ŋkpekemeke ndimenere ibuot mi: koro esuene ɔyɔhɔde mi, nnyuŋ ŋkut ukut mi.

ŊWED MME PSALM 28:4

Nɔ mmɔ nte utom mmɔ ye mme idiɔk-ido mmɔ edide: nɔ mmɔ nte ubɔk mmɔ enamde; nam mmɔ ebeba.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

MME ŊKE 1:31

Ndien mmɔ eyedia mfri usuŋ mmɔ; eyenyuŋ eyuhɔ ke uduak mmɔ.

MME ŊKE 11:31

Edieke edinamde eti owo usiene ke ererimbot; ŋwaŋwa ediso mme idiɔk owo ye mme oburobut owo.

MME ŊKE 12:14

Owo eyeyuhɔ ufɔn eke otode ke mfri inua: ndien enye eyenɔ owo ŋkpɔ eyen-utom ubɔk esie.

MME ŊKE 26:27

Owo eke otibide obube eyeduɔ ke esit: ama akpat itiat, itiat eyefiak ɔtɔ enye.

ECCLESIASTES 8:13

edi idifɔnke fɔn inɔ idiɔk owo edi enye eyemuhɔ uwem nte ukpɔŋ: koro enye mibakke ke iso Abasi.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 48:22

Jehovah ɔdɔhɔ, ete, Mme idiɔk owo inyeneke emem.

ISAIAH 65:20

Ndien eyen-nsek ke usen, ye mbiowo eke miyɔhɔke ini esie, idiwɔrɔke aba do: koro akparawa eyekpa ke osimde isua ikie; ndien isuŋi eyeda anam-idiɔk ke osimde isua ikie.

ISAIAH 65:6

Jehovah ɔdɔhɔ ete, Sese, emewet enye ke iso mi: ndidopke uyo, ibɔhɔke ini nsosio usiene, nsosio mme idiɔk ido mbufo, ye eke mme idiɔk ido mme ete mbufo, ini kiet, nsin mmɔ ke ikpanesit;

ISAIAH 65:7

koro mmɔ ekefɔpde ŋkpɔ ke enyɔŋ ikpɔ obot, enyuŋ esuenede mi ke enyɔŋ ŋkpri obot: mmɔdo ndidomode akpa utom mmɔ nsin mmɔ ke ikpanesit.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

JEREMIAH 31:30

Edi kpukpru owo kiet kiet eyekpa ke idiɔk ido mmɔ: edet kpukpru owo eke ediade ŋkim-ŋkim grape eyedoro isuɔ.

EZEKIEL 16:59

Koro ntem ke Ɔbɔŋ Jehovah ɔdɔhɔ ete, Nyenam fi kpa nte afo akanamde, emi afo ekesede uŋwɔŋɔ ke ndek ke eribiat ediomi.

EZEKIEL 18:20

Edi ukpɔŋ eke anamde idiɔk eyekpa. Eyen idibiomke ufen ete esie; ete idinyuŋ ibiomke ufen eyen esie; edinen ido edinen owo eyedoro enye ke idem; idiɔk ido idiɔk owo eyenyuŋ odoro enye ke idem.

EZEKIEL 2:10

ndien enye atat enye ke iso mi: ndien ewet enye ke esit ye ke edem: ewet eyet, ye utuaŋa, ye eseme esin enye ke esit.

EZEKIEL 24:14

Ami Jehovah ndɔhɔ: enye edi, ami nnyuŋ nnam: ndiyakke, ndinyuŋ nnyeneke mbɔm, ndinyuŋ ntuaha mkpɔfiɔk. Mmɔ eyenam ikpe ye afo nte ekemde ye ido fo, ye se afo akanamde. Emi edi uyo Ɔbɔŋ Jehovah.

EZEKIEL 33:8

Ke ini ndidɔhɔde idiɔk owo, nte, Idiɔk owo, afo udutreke ndikpa; ndien afo mutiŋke unɔ enye, man asian idiɔk owo oro, ete enye ɔkpɔŋ usuŋ esie, enye idiɔk owo ama akpa ke idiɔk ido esie; ndien nyebup iyip esie ke ubɔk fo.

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

MICAH 7:13

Ndien isɔŋ emi eyena ikpikpu abaŋa mme andiduŋ enye, oto ke mfri ido mmɔ.

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JUDGES 9:57

Abasi onyuŋ anam kpukpru mme idiɔk ido mbio-obio Shechem efiak edoro mmɔ ke ibuot: ndien isuŋi Jotham eyen Jerubbaal osim mmɔ.