ISAIAH 27:7 - Edisana ñwed Abasi Ibom

⁷ Nte enye ɔkɔtɔ enye, nte ɔtɔde anditɔ enye? Nte ekewot enye, nte mmɔ emi andiwot enye okowotde?

ISAIAH 27:7 ပူးပေါင်းရင်းမြစ်များ

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 10:17

Ndien uŋwana Israel eyekabare edi ikaŋ, Edisana Abasi esie eyenyuŋ edi edemikaŋ: ndien eyefɔp onyuŋ ata akpap ye ikɔt ŋkukim esie ke usen kiet;

ISAIAH 17:14

Ke ini mbubreyo; ndien, sese akpakop ndik; ke eyo mika-isiereke kaŋa, enye iduhe. Emi edi udeme mmɔ eke ebumede nnyin, ye afia mmɔ eke ewode ŋwo ye nnyin.

ISAIAH 17:3

Ndien ɔkpɔsɔŋ ebiet eyekure ke Ephraim, ubɔŋ eyenyuŋ etre ke Damascus, ye ke ubak Syria eke ɔsuhɔde: mmɔ eyebiet ubɔŋ nditɔ Israel. Emi edi uyo Jehovah mme udim.

ISAIAH 30:31

Koro eyeda uyo Jehovah esuan Assyria; owo eyeda eto amia.

ISAIAH 31:8

Ndien Assyria eyeduɔ ke ofut, idige eke owo; ofut Enye mi midige owo eyenyuŋ adia enye; ndien enye eyefehe mbak ofut, mbon-ekɔŋ esie eyenyuŋ ekabare etomo utomo.

ISAIAH 31:9

Ndien ndik eyenam akwa itiat esie ebe, ɔfɔŋ-etak-ubom eyenyuŋ anam mme etubom esie edikhe: emi edi uyo Jehovah emi enyenede ikaŋ ke Zion, ye otuŋ ikaŋ ke Jerusalem.

JEREMIAH 50:40

Jehovah ɔdɔhɔ, ete, Kpa nte Abasi okosobode Sodom ye Gomorrah ye mbɔhiduŋ mmɔ, kpa ntre ke owo ididuŋke do, eyen owo idinyuŋ idaŋke ke esit.

JEREMIAH 51:24

Mma nnyuŋ nnɔ Babylon ye kpukpru mme andiduŋ Chaldea utip ofuri idiɔk ido mmɔ oro mmɔ ekenamde ke Zion ke iso mbufo. Uyo Jehovah edi emi.

NAHUM 1:14

Jehovah omowuk abaŋa fi, ete ke ididaha aba enyiŋ fo baba itɔ ke isɔŋ: nyesibe edisɔi ye editara mbiet mfep ke ufɔk mme abasi fo: nyenim udi fo; koro afo edide obukpo.

NAHUM 3:19

Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?