ISAIAH 26:7 - Edisana ñwed Abasi Ibom

⁷ Usuŋ edinen owo enenen: Afo Edinen eyediɔŋ ɔkpɔ-usuŋ edinen owo.

ISAIAH 26:7 ပူးပေါင်းရင်းမြစ်များ

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

ŊWED JOB 31:6

Yak edomo mi ke balance eke enende: yak Abasi onyuŋ ɔfiɔk ete ke mfɔn mma.

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 11:7

Koro edinen Jehovah amade se inende: iso esie ese edinen owo.

ŊWED MME PSALM 25:4

Wut mi usuŋ fo, O Jehovah; teme mi ido fo.

ŊWED MME PSALM 25:5

Nam mi nsaŋa ke akpanikɔ fo, nyuŋ teme mi: koro afo edide Abasi erinyaŋa mi; mmebet fi ofuri usen.

ŊWED MME PSALM 27:11

O Jehovah, teme mi usuŋ fo, nyuŋ da mi usuŋ eke enende baŋa mme asua mi.

ŊWED MME PSALM 5:9

koro baba akpanikɔ miduhe enye ke inua; ɔwɔŋ esit mmɔ ɔmɔdiɔk eti; odudu itɔŋ mmɔ edi ana-iŋwaŋ udi; mmɔ eyaŋ ke edet.

MME ŊKE 11:5

Eti ido mmɔ eke efɔnde ema eyeneŋere usuŋ mmɔ onim: edi idiɔk owo eyeduɔ ke idiɔk ido esie.

MME ŊKE 20:7

Owo eke asaŋade ke eti ido esie emenen: ɔfɔfɔn ɔnɔ nditɔ esie eke etienede enye edem.

MME ŊKE 21:8

Owo ukwaŋ ido edi owo isop: ama edi edisana owo se enye anamde enen.

MME ŊKE 3:6

Diɔŋɔ enye ke kpukpru usuŋ fo, ndien enye eyeneŋere usuŋ fo onim.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ISAIAH 52:12

Koro mbufo midiwɔŋɔke ke ibumere, midinyuŋ isaŋake itɔk-itɔk: koro Jehovah eyebem mbufo iso asaŋa, Abasi Israel eyenyuŋ asaŋa mbufo ke edem.

ISAIAH 57:2

Enye eyeduk ke ifure: mmɔ eyeduɔk odudu ke mkpana mmɔ, kpa owo eke eneŋerede asaŋa.

JEREMIAH 10:23

O Jehovah, mmɔfiɔk nte ke usuŋ owo iduhe owo ke ubɔk: owo eke asaŋade inyuŋ ikemeke ndineŋere ikpat esiemɔ.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;