ISAIAH 26:4 - Edisana ñwed Abasi Ibom

⁴ Mbufo ebuɔt idem ye Jehovah ke nsinsi; koro Jah Jehovah edide nsinsi itiat:

ISAIAH 26:4 ပူးပေါင်းရင်းမြစ်များ

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

2 CHRONICLES 32:8

ubɔk obuk-idem odu ye enye; edi Jehovah Abasi nnyin odu ye nnyin ndinyaŋa nnyin, ndinyuŋ ŋŋwana ekɔŋ nnyin. Ndien mbio-obio ebere idem ke ikɔ Hezekiah edidem Judah.

ŊWED JOB 9:19

(Enye ete) “Edieke abaŋade odudu mkpɔsɔŋ, se ami mi! Edieke abaŋade ikpe, anie edidori mi ini?”

ŊWED MME PSALM 125:1

MMƆ eke ebuɔtde idem ye Jehovah ebiet obot Zion, emi misehekede, edi ebigi ke nsinsi.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 46:1

ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

ŊWED MME PSALM 55:22

Top mbiomo fo nɔ Jehovah, ndien enye eyekama fi: enye idiyakke edinen owo esehere ke nsinsi.

ŊWED MME PSALM 62:11

Abasi ɔdɔhɔ ini kiet; mmaŋkop emi utim ikaba, ete ke Abasi emenyene odudu;

ŊWED MME PSALM 62:8

Mbufo kpukpru owo, ebuɔt idem ye enye kpukpru ini; enwaŋa esit mbufo ke iso esie: Abasi edi ebiet ubɔhɔ nnyin. [Selah.]

ŊWED MME PSALM 62:9

Mbon ubuene edi kpasuk ikpikpu: mbon inyene edi nsu: esine ke balance, eyedɔk: mmɔ edi ata ikpikpu ŋkpɔ.

ŊWED MME PSALM 66:7

Enye ada odudu esie akara ke nsinsi; enyin esie ese ke otu mme idut: ekuyak mbon nsɔŋibuot ekok idem. [Selah.]

ŊWED MME PSALM 93:1

JEHOVAH edi edidem, emesine ubɔŋ ke idem: Jehovah emesine odudu: ɔbɔbɔ ŋkpɔ ke idem. Ererimbot ɔmɔwuhɔ ŋko, idisehekede.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 30:29

mbufo eyekwɔ ikwɔ kpa nte ke okoneyo eke enimde ederi; esit eyenyuŋ adat mbufo, nte owo emi etienede ifium asaŋa aka obot Jehovah, etiene akwa itiat Israel.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 45:24

Owo ɔdɔhɔ, ete, Ami nnyene edinen ido ye odudu ke Jehovah ikpɔŋ-ikpɔŋ: enye eyebine enye; ndien but eyenam kpukpru mmɔ eke eyatde esit ye enye.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 3:28

Nebuchadnezzar ɔbɔrɔ onyuŋ ɔdɔhɔ ete, Ekɔm Abasi Shadrach ye Meshach ye Abednego, emi ɔkɔdɔŋde angel esie, onyuŋ anyaŋade ikɔt esie emi ebuɔtde idem mmɔ ye enye, enyuŋ ekpuhɔrede uyo edidem, enyuŋ eyak idem mmɔ, man ekunam ŋkpɔ, ekunyuŋ etuak ibuot enɔ baba abasi kiet, ke mibɔhɔke Abasi idem mmɔ.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.