ISAIAH 26:3 - Edisana ñwed Abasi Ibom

³ Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

ISAIAH 26:3 ပူးပေါင်းရင်းမြစ်များ

1 CHRONICLES 5:20

Ndien enyaŋa mmɔ ke eriŋwana ye mmɔ eken, enyuŋ eda mme Hagrite, ye kpukpru mmɔ eke edude ye mmɔ, esin mmɔ ke ubɔk: koro mmɔ esemede enɔ Abasi ke ekɔŋ, ndien enye okop uyo mmɔ: koro mmɔ ebuɔtde idem mmɔ ye enye.

2 CHRONICLES 13:18

Ntre ke nditɔ Israel esuk ibuot ke ini oro, nditɔ Judah enyuŋ ekabare esɔŋ, koro mmɔ ebuɔtde idem mmɔ ye Jehovah Abasi mme ete mmɔ.

2 CHRONICLES 16:8

Nte mme Ethiopian ye mme Libian ikedige akwa udim, ke chariot ye mbon-horse ata ediwak eti-eti? Ndien koro afo ɔkɔbuɔtde idem fo ye Jehovah, enye ada mmɔ esin fi ke ubɔk.

ŊWED MME PSALM 119:165

Mmɔ eke emade ido fo enyene ediwak ifure: mmɔ inyuŋ ikwe ŋkpɔ iduɔ baba kiet.

ŊWED MME PSALM 125:1

MMƆ eke ebuɔtde idem ye Jehovah ebiet obot Zion, emi misehekede, edi ebigi ke nsinsi.

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 26:12

O Jehovah, afo eyenɔ nnyin emem: koro afo amanam idem kpukpru utom nnyin ɔnɔ nnyin.

ISAIAH 27:5

Midige ntre, yak enye omum odudu mi, onyuŋ anam emem ye ami: yak enye anam emem ye ami.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 32:17

Ndien se edinen ido anamde edi emem; utip eti ido onyuŋ edi nduɔk-odudu ye ifure ke nsinsi.

ISAIAH 32:18

Ndien ikɔt mi eyeduŋ ke ufɔk emem, ye ke iduŋ ifure, ye ke ebiet nduɔk-odudu eke edide suŋ-suŋ;

ISAIAH 42:19

Anie edi nnan ke mibɔhɔke owo mi? Anie edi inan nte isuŋ mi emi ndɔŋde enye utom? Anie edi nnan nte enye emi ɔfɔnde ama, ye nnan nte owo Jehovah?

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 49:8

Ntem ke Jehovah ɔdɔhɔ, ete, Mma nyere fi ke ini mfɔnido, mma nnyuŋ nnyaŋa fi ke usen erinyaŋa; ndien ami nyenyuŋ ŋkpeme fi, nnyuŋ nnim fi ke ediomi mbio-obio, man afo eneŋere ererimbot onim, onyuŋ edeme udeme eke ebiarade;

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 66:12

Koro ntem ke Jehovah ɔdɔhɔ, ete, Sese, ami mmɔŋ nnyanare emem nnɔ enye nte akpa mmɔŋ, ye ubɔŋ mme idut nte idim mmɔŋ eke eyɔhɔde ada mben: ndien mbufo eyewap eba, eyekɔhɔ ke ŋkaŋ, owo eyenyuŋ etem mbufo ke edɔŋ.

JEREMIAH 39:18

Koro menditreke ndiyak fi ɔbɔhɔ, afo udunyuŋ uduɔhɔ ke ofut: edi ukpɔŋ fo eyedi okuo ke ŋkpɔ mbume: koro afo ɔkɔbuɔtde idem fo ye ami. Uyo Jehovah edi emi.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

DANIEL 3:28

Nebuchadnezzar ɔbɔrɔ onyuŋ ɔdɔhɔ ete, Ekɔm Abasi Shadrach ye Meshach ye Abednego, emi ɔkɔdɔŋde angel esie, onyuŋ anyaŋade ikɔt esie emi ebuɔtde idem mmɔ ye enye, enyuŋ ekpuhɔrede uyo edidem, enyuŋ eyak idem mmɔ, man ekunam ŋkpɔ, ekunyuŋ etuak ibuot enɔ baba abasi kiet, ke mibɔhɔke Abasi idem mmɔ.

DANIEL 6:23

Ndien esit adat edidem eti-eti abaŋa enye, enye onyuŋ ɔnɔ uyo, ete, ekot Daniel esio ke obube. Ntre ke mmɔ ekot Daniel esio ke obube: ndien ikwe baba ŋkpɔ kiet eke anamde enye ke idem; koro enye ɔkɔbuɔtde idem ye Abasi esie.

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

ŊWED MBON PHILIPPI 4:7

Ndien emem Abasi, emi ayaŋade ifiɔk owo, eyekpeme mbufo esit ye ekikere ke Christ Jesus.