ISAIAH 26:2 - Edisana ñwed Abasi Ibom

² Mbufo eberede mme itim, man edinen idut emi onimde akpanikɔ oduk.

ISAIAH 26:2 ပူးပေါင်းရင်းမြစ်များ

ŊWED MME PSALM 106:5

man ŋkut nti ŋkpɔ mbon emi afo emekde, nnyuŋ ndat esit ke idaresit ikɔt fo, nnyuŋ mbure mbure ye udeme fo.

ŊWED MME PSALM 118:19

Mbufo eberere inua-otop eti ido: nyebe mmɔ nduk, nyekɔm Jehovah;

ŊWED MME PSALM 118:20

emi edi inua-otop Jehovah, ndinen owo eyeduk ke esit.

ŊWED MME PSALM 24:7

Mbufo mme enyin-usuŋ, emenere mbuot mbufo: mbufo nsinsi itim enyuŋ emenere idem ke enyɔŋ; ndien edidem ubɔŋ eyeduk.

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

ISAIAH 45:25

Ikpe eyesana ofuri ubon Israel, mmɔ eyenyuŋ ebure ke Jehovah.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

ISAIAH 58:8

Ndien uŋwana fo eyesiaha nte usiere, nsɔŋidem fo eyenyuŋ awara nditibe: ndien edinen ido fo eyebem fi iso; ubɔŋ Jehovah eyenyuŋ asaŋa fi ke edem.

ISAIAH 60:11

Ndien mme usuŋ fo eyena iŋwaŋ kpukpru ini; idinyuŋ isinke mmɔ ke uwemeyo ye ke okoneyo; man eda inyene mme idut esɔk fi, enyuŋ eda ndidem mmɔ edi.

ISAIAH 60:18

Idikopke aba afai ke isɔŋ fo, idikopke ŋwure ye nsobo ke esit adaŋa fo; edi afo eyekot ibibene fo ete, Erinyaŋa, okot inua-otop fo, ete, Itoro.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

ISAIAH 62:1

NDIDOPKE uyo mbaŋa Zion, ndinyuŋ nnaŋa suŋ mbaŋa Jerusalem, tutu edinen ido esie ɔwɔrɔ nte uyama, ye erinyaŋa esie nte utuenikaŋ eke asakde.

ISAIAH 62:10

Mbufo esaŋa ke mme inua-otop, esaŋa ebe; ediɔŋ usuŋ mbio-obio; ekubi ɔkpɔ-usuŋ; etaŋ mme itiat efep; emenere banner enɔ mbio-obio.

ISAIAH 62:2

Ndien mme idut eyekut edinen ido fo, kpukpru ndidem eyenyuŋ ekut ubɔŋ fo: ndien eyesio fi obufa enyiŋ, eke inua Jehovah edisiakde.

ZECHARIAH 8:20

Ntem ke Jehovah mme udim ɔdɔhɔ ete, Ediwak owo ye mme andiduŋ ediwak mme idut eyesuk edi:

UTOM MME APOSTLE 2:47

Ndien Ɔbɔŋ ada mmɔ emi ke enyanyaŋa adian ye mmɔ ke usen ke usen.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

2 PETER 3:13

Edi nnyin itie ibet obufa enyɔŋ ye obufa isɔŋ, nte uŋwɔŋɔ Esie edide; ndien edi do ke edinen ido ediduŋ.

JUDE 1:3

Ndima, ke ini nsinde ifik eti-eti ŋwet nnɔ mbufo mbaŋa erinyaŋa eke enyenede nnyin kpukpru, esit enyik mi ŋko ndiwet ŋkekpe ye mbufo nte, esɔŋɔ eŋwana kabaŋa ikɔ mbuɔtidem, emi ema ekeyak ini kiet ko esin nti ikɔt Abasi ke ubɔk.

ERIYARARE 21:24

Ndien mme idut eyesaŋa ke uŋwana esie, ndidem isɔŋ enyuŋ eda ubɔŋ mmɔ eduk ke esit.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;