ISAIAH 26:1 - Edisana ñwed Abasi Ibom

¹ NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 26:1 ပူးပေါင်းရင်းမြစ်များ

EZRA 3:11

Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

ŊWED MME PSALM 31:21

Yak ekɔm Jehovah, koro enye owutde mi utibe ima esie ke obio ibibene.

ŊWED MME PSALM 48:12

Mbufo ekanare Zion, esaŋa ekan enye ekuk: ebat mme tower esie.

ŊWED MME PSALM 48:4

Koro, sese, ndidem esop idem, mmɔ ebe eka ini kiet.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 14:31

Tua, O inua-otop; seme, O obio; Philistia, afo amatara kpukpru: koro nsuŋikaŋ otode ke edere, ndien baba owo eke adianarede iduhe ke otu mme udim-ekɔŋ esie.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 31:5

Kpa nte inuen efede, kpasuk ntre ke Jehovah mme udim edifuk Jerusalem, ofuk onyuŋ anyaŋa; ebe, onyuŋ anam ɔbɔhɔ.

ISAIAH 31:9

Ndien ndik eyenam akwa itiat esie ebe, ɔfɔŋ-etak-ubom eyenyuŋ anam mme etubom esie edikhe: emi edi uyo Jehovah emi enyenede ikaŋ ke Zion, ye otuŋ ikaŋ ke Jerusalem.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 5:1

YAK nda ndien ikwɔ ufan mi eke abaŋade iŋwaŋ-vine esie, ŋkwɔ nnɔ ufan mi. Ufan mi ekenyene iŋwaŋ-vine ke obot mbiri.

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

ISAIAH 60:18

Idikopke aba afai ke isɔŋ fo, idikopke ŋwure ye nsobo ke esit adaŋa fo; edi afo eyekot ibibene fo ete, Erinyaŋa, okot inua-otop fo, ete, Itoro.

ISAIAH 62:10

Mbufo esaŋa ke mme inua-otop, esaŋa ebe; ediɔŋ usuŋ mbio-obio; ekubi ɔkpɔ-usuŋ; etaŋ mme itiat efep; emenere banner enɔ mbio-obio.

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

EZEKIEL 40:5

Ndien, sese, ibibene akan edem ufɔk okuk, ndien eto-idomo-okuk inaŋ odu owo oro ke ubɔk: ndien enye odomo ubara ibibene oro, eto kiet; idaha esie onyuŋ edi eto kiet.

ZECHARIAH 2:5

Jehovah onyuŋ ɔdɔhɔ, ete, Ami nyedi ibibene ikaŋ ŋkan enye ŋkuk, nyenyuŋ ndi ubɔŋ ke ufɔt esie.

ZECHARIAH 2:9

Koro, sese, nyenyeŋe ubɔk mi nse mmɔ, ndien mmɔ eyekabare edi se ifin mmɔ ebumede: ndien mbufo eyefiɔk ete ke Jehovah mme udim ɔmɔdɔŋ mi utom.

NUMBERS 21:17

Ndien Israel ekwɔ ikwɔ emi, ete, O obube, wɔrɔ mmɔŋ; mbufo ekwɔ enɔ enye:

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.