ISAIAH 24:1 - Edisana ñwed Abasi Ibom

¹ SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

ISAIAH 24:1 ပူးပေါင်းရင်းမြစ်များ

2 NDIDEM 21:13

Nyenyuŋ nda uruk Samaria, ye plummet ufɔk Ahab nnyanare ke Jerusalem: nyenyuŋ ŋkwɔhɔre Jerusalem, nte owo ɔkwɔhɔre usan, ke ɔkwɔhɔre, onyuŋ akabare okubi.

NEHEMIAH 1:8

Mbɔk, ti ikɔ emi afo okowukde Moses owo fo, ete Mbufo ema edue, ami nyesuan mbufo ke otu mme idut:

ŊWED MME PSALM 146:9

Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ISAIAH 13:13

Mmɔdo nyesin ikpa-enyɔŋ enyek, eyenyuŋ enyeŋe isɔŋ esio ke ebiet esie efep, ke iyaresit Jehovah mme udim, ye ke usen ikaŋ iyaresit esie.

ISAIAH 13:5

Ke eto ke anyan idut, ke utit enyɔŋ edi, Jehovah ye ŋkpɔ ikpahesit esiemɔ, ete isobo ofuri isɔŋ.

ISAIAH 2:19

Ndien mmɔ eyeduk ke aba itiat, ye ke ndudu isɔŋ, ebaŋa ndik Jehovah, ye ubom ubɔŋ esie, ke ini enye adahade ke enyɔŋ ndidikhe isɔŋ.

ISAIAH 24:19

Ererimbot obomo fap, ererimbot asiaha mbai-mbai, ererimbot enyek ɔkpɔsɔŋ.

ISAIAH 24:20

Ererimbot eteteŋ nte owo mmin, onyuŋ ofofum nte hammock; isop esie onyuŋ odobi enye ke edem; ndien enye ɔduɔ, idinyuŋ idahake aba ke enyɔŋ.

ISAIAH 27:10

Koro obio ibibene edide ndobo, iduŋ eke ewɔrɔde enyuŋ ekpɔŋde nte wilderness: do ke eyen enaŋ edita mbiet, do ke enye edinyuŋ ɔsuhɔre ana, onyuŋ ata ŋkɔk esie ama.

ISAIAH 29:16

Se ŋkwaŋa mbufo! Nte ekpebat obot-eso nte mbat eso? Emi utom ɔdɔhɔde andinam enye, ete, Idige enye anam mi? Emi ŋkpɔ eke ebotde ɔdɔhɔde andibot enye, ete, Enye inyeneke ibuot?

ISAIAH 29:2

Ndien ami nyetuhɔ Ariel, ndien eyet ye ntuaŋa eyedu: enye eyenyuŋ etie nte Ariel ye ami.

ISAIAH 30:32

Ndien kpukpru ubɔk ikpa emi ɔwuhɔde, emi Jehovah adade anam enye (Assyria), eyesaŋa ye ekɔmɔ ye harp: ndien eyeŋwana otime-otime ekɔŋ ke esit.

ISAIAH 32:12

Ke etuak eba ebaŋa nti iŋwaŋ, ebaŋa vine eke ewakde mfri.

ISAIAH 33:9

Isɔŋ ke atua, eyemere; but anam Lebanon, enye akpa; Sharon amakabare edi wilderness; Bashan ye Carmel enyuŋ ekeŋe ikɔŋ.

ISAIAH 34:10

Idinimeke ke uwemeyo ye ke okoneyo; nsuŋikaŋ esie eyedɔk ke nsinsi: eyena ke nsobo ke ofuri emana; baba owo kiet idisaŋake ke esit ibe tutu amama.

ISAIAH 34:2

Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ISAIAH 42:15

Nyesobo ikpɔ obot ye ŋkpri, nnyuŋ nnam kpukpru ikɔŋ mmɔ asat; nnyuŋ ŋkabare mme akpa mmɔŋ edi isuo, nnyuŋ nnam mkpɔdiɔhɔ-mmɔŋ esat.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 40:15

Ndien Johanan eyen Kareah ɔdɔhɔ Gedaliah ndibe-ndibe ke Mizpah, ete, Mbɔk, yak ŋka ŋkowot Ishmael eyen Nethaniah, ndien baba owo kiet idifiɔkke: enye edinam didie owot fi, ofuri Judah emi ebonode ke ɔtɔ fo edinyuŋ esuana, ubak Judah emi ɔsuhɔde onyuŋ atak?

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 51:34

Nebuchadrezzar edidem Babylon ama adia mi, ama asuan mi, ama onim mi nte ukpɔk abaŋ, ama emen mi nte kukubarakpa, ama ada edinem udia mi esin ke idibi esie ɔyɔhɔ, ama ebin mi efep.

JEREMIAH 9:16

Ndien nyesuan mmɔ ke otu mme idut, eke mmɔ ye mme ete mmɔ mikɔfiɔkke, nyenyuŋ ndɔŋ ofut utom, nte ebine mmɔ, tutu nsobo mmɔ mma.

EZEKIEL 12:20

Mmɔ eyenyuŋ esuan mme obio emi eduŋde, isɔŋ ŋko eyekabare edi ndon; ndien mbufo eyefiɔk ete ke ami ndi Jehovah.

EZEKIEL 24:11

Ndien da enye ukpɔk tem ke ebok ikaŋ esie, man idem okpoho esie ofiop, onyuŋ ɔfɔbɔ, man ndek esie onyuŋ atara ke esit, man enyuŋ ema mbukpeŋ esie.

EZEKIEL 35:14

Ntem ke Ɔbɔŋ Jehovah ɔdɔhɔ, ete, Kpa nte emi ofuri isɔŋ (Edom) edatde esit, nyenam fi edi nsobo:

EZEKIEL 5:14

Nyenyuŋ nda fi nnim ke ŋkpɔ nsobo ye ŋkpɔ esuene ke otu mme idut emi ekande fi ekuk, ke enyin kpukpru owo eke esaŋade ebe.

EZEKIEL 5:2

Da ɔyɔhɔ ubak ita fɔp ke ikaŋ ke ufɔt obio, ke adaŋemi ini ukuk obio okurede; nyuŋ da ɔyɔhɔ ubak ita kpi enye ke ofut kan kuk, nyuŋ suan ɔyɔhɔ ubak ita nɔ ofum; ndien ami nyesio ofut mbine mmɔ.

EZEKIEL 6:14

Ndien ami nyenyanare ubɔk mi ntuk mmɔ, nnyuŋ nnim isɔŋ ke nsobo, ye ke ndon ŋkan wilderness emi esede Diblah, ke kpukpru ebiet-iduŋ mmɔ; ndien mmɔ eyefiɔk ete ke ami ndi Jehovah.

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

EZEKIEL 7:12

Ini emedi usen emekpere: owo eke edepde ididatke esit; owo eke anyamde idinyuŋ ituaha: koro ifuresit odorode ofuri otu owo esie.

EZEKIEL 7:14

Mmɔ efuri ukorowo enyuŋ enam kpukpru ŋkpɔ ebeŋe; edi baba owo kiet ikaha ekɔŋ: koro ifuresit mi odorode ofuri otu mmɔ ke idem.

NAHUM 1:5

Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

UTOM MME APOSTLE 17:6

Edi ke adaŋemi mmɔ mikwe mmɔ oro, mmɔ eduri Jason ye ndusuk nditɔ-ete edi ke iso mbɔŋ obio, efiori ete, Mme anditimere ererimbot emi edi mi ŋko-o;

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 32:26

Ŋkɔdɔhɔ nte ŋkpofuri mmɔ mfep, ŋkpanam owo etre nditi mmɔ:

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.