ISAIAH 22:5 - Edisana ñwed Abasi Ibom

⁵ Koro Ɔbɔŋ Jehovah mme udim onimde usen ndutime, ye eke udigi, ye eke nnanenyin ke ebedeŋ ŋŋkukut, ke ewuri ibibene, ke eseme enɔ ikpɔ obot.

ISAIAH 22:5 ပူးပေါင်းရင်းမြစ်များ

2 NDIDEM 19:3

Ndien mmɔ edɔhɔ enye, ete, Ntem ke Hezekiah ɔdɔhɔ ete, Mfin emi edi usen ukut, ye ufen, ye esuene: koro nnyin itie nte ŋwan oyomde ndiman eyen, ndien odudu uman iduhe.

2 NDIDEM 25:10

Ndien ofuri udim-ekɔŋ mme Chaldean emi edude ye etubom mbon-ukpeme ewuri ibibene Jerusalem ekan ekuk.

ESTHER 3:15

Mbon itɔk ewɔŋɔ, koro uyo edidem esinde mmɔ esɔp ukot; mmɔ enyuŋ etaŋa ewuhɔ oro ke palace Shushan. Ndien edidem ye Haman esuhɔre etie eŋwɔŋ ŋkpɔ; edi obio Shushan otime.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 22:1

UYO Abasi emi abaŋa ebedeŋ ŋkukut. Nsinam fi ndien, eke kpukpru mbufo edɔkde ke enyɔŋ ɔkɔm ufɔk?

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 37:3

Ndien mmɔ edidɔhɔ enye, ete, Ntem ke Hezekiah ɔdɔhɔ, ete, Usen ukut, ye eke nduari, ye eke esuene edi emi: koro nditɔ emekpere uman ndien odudu uman iduhe.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

ISAIAH 63:3

Mmedigi udigi-wine ke idem-mi; baba owo obio kiet inyuŋ iduhe ye ami: ndien nyedigi mmɔ ke iyaresit mi, nnyuŋ nda ikpat ntim mmɔ ke ifuresit mi; ndien enyam mmɔ eyesime mi ke ɔfɔŋidem, nyenyuŋ nsabare ofuri edisine-ŋkpɔ mi.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

ŊWED ESEME 1:5

Mbon udi esie ekabare edi ibuot, mme asua esie ekut unen; koro Jehovah otukde enye abaŋa uwak mme idiɔk ido esie: nditɔ-ɔwɔŋ esie ebem mme asua iso eka nte mbuot-ekɔŋ.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

ŊWED ESEME 2:8

Jehovah amaduak ndiwuri ibibene adiaha Zion: enye eneŋere uruk, imumke ubɔk esie isio ke erisobo: onyuŋ anam ɔkɔ ekɔŋ ye ibibene etua; mmɔ eyemere ɔtɔ kiet.

EZEKIEL 7:7

Usenubɔk omosim fi, O andiduŋ isɔŋ: ini emedi; usen ndutime emekpere: ndien idige mkpo ikpɔ obot.

HOSEA 10:8

Ŋkokoŋo ebiet Aven, kpa idiɔk-ŋkpɔ Israel emesobo: mbarekpe, ye mbara ŋkukwɔinɔ eyekɔri ke mme itie-uwa mmɔ; ndien mmɔ eyedɔhɔ ikpɔ obot, ete, Mbufo efuk nnyin, enyuŋ edɔhɔ ŋkpri ebot, ete, Mbufo eduɔŋɔ nnyin ke idem.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

ZEPHANIAH 1:15

Usen ifuresit edi usen oro: usen ukut ye nnan-enyin, usen ŋwure ye nsobo, usen ekim ye okoneyo, usen obubit enyɔŋ ye ata ekim,

MATTHEW 24:16

adaŋoro yak mmɔ eke edude ke Judaea efeŋe eka ikpɔ obot;

LUKE 23:30

Adaŋoro mmɔ eyetɔŋɔ ndidɔhɔ ikpɔ obot ete, Eduɔ etɔ nnyin: eyenyuŋ edɔhɔ ŋkpri obot ete, Efuk nnyin.