ISAIAH 22:4 - Edisana ñwed Abasi Ibom

⁴ Mmɔdo ndɔhɔde, nte, Mbufo ekabare ekuse mi; yak ntua ndot-ndot eyet, mbufo ekuŋwana ndidɔŋ mi esit mbaŋa nsobo eke esobode adiaha mbio-obio nnyin.

ISAIAH 22:4 ပူးပေါင်းရင်းမြစ်များ

ESTHER 4:1

EKEM ke ini Mordecai edifiɔkde kpukpru se enamde, Mordecai awai edisine-ŋkpɔ esie, onyuŋ esine ɔfɔŋ-ikpo ye ntɔŋ ke idem, ndien ɔwɔrɔ aka ke ufɔt obio, onyuŋ, eseme akamba ye edidoro eseme:

ŊWED MME PSALM 77:2

Ŋkoyom Ɔbɔŋ ke usen ukut mi: ubɔk mi atara ke okoneyo, inyuŋ idoroke ibikpai: ukpɔŋ mi esin ndɔŋesit.

ISAIAH 15:3

Mmɔ ebɔbɔ ɔfɔŋ-ikpo ke idem ke efak mmɔ: ofuri obio ke etua ke enyɔŋ ɔkɔm mmɔ, ye ke aŋwa mmɔ, ke esuhɔre etua eyet.

ISAIAH 33:7

Sese, mbon uko mmɔ ke eseme ke aŋwa; mme isuŋutom emem ketua eyet eti.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 31:15

Ntem ke Jehovah ɔdɔhɔ, ete, Ekekop uyom ke Ramah, eseme, ye edidoro ntua-eyet; Rachel ke atua eyet abaŋa nditɔ esie, inyimeke ndikop ndɔŋesit mbaŋa nditɔ esie: koro mmɔ miduhe.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 6:26

O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

JEREMIAH 8:18

Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 9:18

Ndien yak mmɔ ewara emen ntuaŋa ebaŋa nnyin, man mmɔŋeyet oto nnyin ke enyin ɔsuhɔre, man mmɔŋ onyuŋ oto nnyin ke mkpɔk-enyin ewet.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

EZEKIEL 21:11

Ndien enɔ enye ete etuk, man emum ke ubɔk: enye edi ofut emi ebande enyuŋ etukde man eda enye esin ke ubɔk owo eke owotde.

EZEKIEL 27:31

ndien mmɔ eyenam ibɔ ebaŋa fi, enyuŋ ebɔbɔ ɔfɔŋ-ikpo ke idem, ndien mmɔ eyetua eyet ebaŋa fi ke edidoro esit, ye ke ndot-ndot eseme.

MICAH 1:8

Nyeseme nnyuŋ ntua mbaŋa ŋkpɔ emi, nyesioŋo ŋkpɔ ke idem nsaŋa iferi: nyeseme eseme nte jackal, nnyuŋ ntua nte ostrich.

MATTHEW 2:18

Ekop mkpo ke Ramah, Ntuaŋa ye akamba eseme; Rachel ke atua nditɔ esie; Inyuŋ inyimeke ndibɔ ndɔŋesit, koro mmɔ miduhe.

MATTHEW 26:75

Ndien Peter eti ikɔ oro Jesus eketiŋde ɔnɔ enye, ete, Eyekaŋ Mi utim ikata, ndien ekikɔ edikpɔk. Ndien Enye ɔwɔrɔ ke aŋwa atua eyet eti-eti.

LUKE 1:2

kpa nte mmɔ, emi ekedide mme ntiense toto ke eritɔŋɔ ye mme andikwɔrɔ ikɔ Abasi, ekayakde enɔ nnyin;

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,