ISAIAH 2:8 - Edisana ñwed Abasi Ibom

⁸ Nsu-nsu abasi enyuŋ eyɔhɔ ke isɔŋ mmɔ: mmɔ etuak ibuot enɔ utom ubɔk mmɔ, enɔ se nnuen-ubɔk mmɔ enamde.

ISAIAH 2:8 ပူးပေါင်းရင်းမြစ်များ

1 NDIDEM 16:7

Ndien ikɔ Jehovah oto ke inua prophet Jehu eyen Hanani osim Baasha, ye ufɔk esie, ke abaŋa kpukpru mme idiɔk ido oro enye akanamde ke iso Jehovah, onyuŋ ayat enye esit ke utom ubɔk esie, onyuŋ ebiet ufɔk Jeroboam: koro enye okonyuŋ osobode enye.

2 NDIDEM 17:10

mmɔ enyuŋ ewuk, adaha ke idem mmɔ, ye eto-mkpe, ke enyɔŋ kpukpru ŋkokoŋo obot, ye ke idak kpukpru awawa eto:

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

2 CHRONICLES 27:2

Ndien enyiŋ eka esie ekere Jerushah, eyen Zadok. Enye onyuŋ anam se inende ke iso Jehovah, nte Uzziah ete esie akanamde kpukpru: edi idukke ke temple Jehovah. Ndien mbio-obio esuk enam idiɔk.

ISAIAH 17:8

Ndien enye iditiŋke enyin ke mme itie-uwa emi ubɔk esie anamde, idinyuŋ isehe se nnuenubɔk esie ekenamde, mme eto-mkpe, ye mbiet utin.

ISAIAH 26:13

O Jehovah Abasi nnyin, mbɔŋ efen ema etiene fi enyene nnyin: edi nnyin iyetoro fi, kpa enyiŋ fo ikpɔŋ-ikpɔŋ.

ISAIAH 37:19

ema enyuŋ esin mme abasi mmɔ ke ikaŋ: koro mmɔ mikedige Abasi, edi se ubɔk owo akanamde, kpa eto ye itiat: ndien esobo mmɔ.

ISAIAH 40:19

Owo-usɔ anam editara mbiet, odom-gold onyuŋ ada gold ofuk enye, onyuŋ atara silver anam ŋkpɔkɔbi.

ISAIAH 41:29

Sese, kpukpru mmɔ edi ikpikpu; utom mmɔ onyuŋ edi se miduhe du: nditara mbiet mmɔ edi ofum ye ikpikpu.

ISAIAH 57:5

Ke efiop idem mbufo ke otu mme ofriyo, ke idak kpukpru awawa eto, ke ewot nditɔ-ɔwɔŋ ke mme ebedeŋ ke idak nsiaha ikpɔ itiat?

JEREMIAH 1:16

Ndien nyetiŋ ikpe mi ye mmɔ, mbaŋa ofuri idiɔk ido mmɔ: koro mmɔ ekpɔŋde mi, enyuŋ efɔpde incense enɔ abasi efen, enyuŋ etuakde ibuot enɔ se ubɔk mmɔ ekenamde.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 8:6

Koro emi ŋko otode ke Israel: mbon-usɔ ekenam enye; ndien enye idige Abasi: koro eyenenaŋ Samaria eyekabare edi nsuhɔ-nsuhɔ.

MICAH 5:12

nnyuŋ nsibe fi idiɔŋ ke ubɔk mfep; ndien afo udunyeneke aba mbia-mfa:

UTOM MME APOSTLE 17:16

Ke adaŋemi Paul etiede ke Athens ebet mmɔ, esit ayat enye ndikut nte ndem eyɔhɔde ke obio.

DEUTERONOMY 4:28

Ndien do ke mbufo edikpono mme abasi emi ubɔk owo anamde, eto ye itiat, emi mikwe usuŋ, minyuŋ ikopke uyo, minyuŋ idiaha ŋkpɔ, minyuŋ ikopke utebe.

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.