ISAIAH 2:6 - Edisana ñwed Abasi Ibom

⁶ Koro afo ɔmɔduɔk ikɔt fo, ufɔk Jacob, koro se itode ke edem usiaha-utin ɔyɔhɔde ke otu mmɔ, mmɔ enyuŋ ebre idiɔŋ, nte mme Philistine; enyuŋ esaŋa ŋkpɔ nte nditɔ mme idut.

ISAIAH 2:6 ပူးပေါင်းရင်းမြစ်များ

2 NDIDEM 1:2

Ndien Ahaziah oto ke window ubet-enyɔŋ esie emi odude ke Samaria ɔduɔ, ndien udɔŋɔ anam enye; ndien enye ɔdɔŋ mme isuŋ-utom, onyuŋ ɔdɔhɔ mmɔ, ete, Mbufo eka ekebup Baal-zebub abasi Ekron, mme udɔŋɔ emi eyekure mi.

2 NDIDEM 17:20

Ndien Jehovah ɔduɔk ofuri ubon Israel, onyuŋ otuk mmɔ, onyuŋ esin mmɔ ke ubɔk mbon ŋwo, tutu enye emen mmɔ ke iso esie ɔduɔk.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 24:20

Ekem Spirit Abasi oto ediduk Zechariah eyen Jehoiada oku ke idem, ndien enye ada ke enyɔŋ kpukpru owo, onyuŋ ɔdɔhɔ mmɔ, ete, Ntem ke Abasi ɔdɔhɔ, ete, Nsinam mbufo ebiatde mbet Jehovah? Mbufo idikwe unen. Koro mbufo ekpɔŋde Jehovah, enye omonyuŋ ɔkpɔŋ mbufo.

NEHEMIAH 13:23

Ndien ŋko ke ini oro ŋkut usuk mme Jew emi ekedɔde iban Ashdod, ye eke Ammon, ye eke Moab;

ŊWED MME PSALM 106:35

Edi ebuana ŋkpɔ ye mme idut, enyuŋ ekpep ido mmɔ.

EXODUS 22:18

Kuyak ebre-idiɔŋ aŋwan odu uwem.

EXODUS 34:16

onyuŋ ada nditɔ-iban mmɔ ɔnɔ nditɔ-iren fo, ndien nditɔ-iban mmɔ etiene mme abasi mmɔ enam use, enyuŋ eda mme nditɔ-iren fo etiene mme abasi mmɔ enam use.

MME ŊKE 6:1

EYEN mi, edieke afo etiede ubiɔŋ ɔnɔ ufan fo, amiade ubɔk fo ye esen owo,

ISAIAH 14:29

O Philistia, kudat esit baba, koro eto oro akamiade fi ɔbuŋɔde: koro ibɔm eyewɔrɔ ke oruŋ uruk-ikɔt, ndien mfri esie eyedi edisak urukikɔt eke efede.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

JEREMIAH 10:2

ntem ke Jehovah ɔdɔhɔ, ete, Mbufo ekukpep usuŋ mme idut, ekunyuŋ eyomo nsia ebaŋa mme idiɔŋɔ ikpa-enyɔŋ: koro nsia oyomode mme idut ebaŋa mmɔ.

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

LEVITICUS 19:31

Mbufo ekukabare etiene ekpo, ekunyuŋ ebup mbia-idiɔŋ, mbak mmɔ edisabare mbufo: ami ndi Jehovah Abasi mbufo.

LEVITICUS 20:6

Ndien ŋko ama edi ukpɔŋ eke akabarede etiene ekpo, ye mbia-idiɔŋ, onyuŋ etienede mmɔ anam use, nyewuk iso mi nse ukpɔŋ oro, nnyuŋ nsibe enye ke otu mbio-obio mmɔ mfep.

MICAH 5:11

nyenyuŋ nsibe mme obio isɔŋ fo mfep, nnyuŋ ŋwuri kpukpru mkpɔsɔŋ ebiet fo:

MICAH 5:12

nnyuŋ nsibe fi idiɔŋ ke ubɔk mfep; ndien afo udunyeneke aba mbia-mfa:

ZEPHANIAH 1:8

Ndien ama ekem ke usen uwa Jehovah, nyeda ufen nnɔ mbɔŋ, ye nditɔ edidem, ye kpukpru owo eke esinede esen ŋkpɔ ke idem.

NUMBERS 23:7

Ndien enye (Balaam) emen uyo esie, onyuŋ ɔdɔhɔ ete, Balak edidem Moab ada mi ke Aram, ke ikpɔ obot edem usiaha-utin, edi ete, “Di disuŋi Jacob nɔ mi, nyuŋ di ditɔk Israel.”

ŊWED MBON ROME 11:20

Edi ntre: ekewak mmɔ eduɔk oto ke unana mbuɔtidem mmɔ, afo onyuŋ ada do ke mbuɔtidem fo.

1 SAMUEL 6:2

Ekem mme Philistine ekot mme oku ye mbia idiɔŋ edi, ete, Nnyin idinam ekebe Jehovah nso ŋkpɔ? Mbufo eteme nnyin se ididade inɔ enye ɔnyɔŋ aka ke ebiet esie.