ISAIAH 2:4 - Edisana ñwed Abasi Ibom

⁴ Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

ISAIAH 2:4 ပူးပေါင်းရင်းမြစ်များ

ŊWED MME PSALM 110:6

Enye eyekpe ikpe ke otu mme idut, amanam mme okpo owo eyɔhɔ mmɔ; onyuŋ asuan ibuot ke akamba idut.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

ŊWED MME PSALM 82:8

O Abasi, daha ke enyɔŋ, kpe ikpe ererimbot; koro afo eyeda kpukpru mme idut enyene.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ISAIAH 32:17

Ndien se edinen ido anamde edi emem; utip eti ido onyuŋ edi nduɔk-odudu ye ifure ke nsinsi.

ISAIAH 32:18

Ndien ikɔt mi eyeduŋ ke ufɔk emem, ye ke iduŋ ifure, ye ke ebiet nduɔk-odudu eke edide suŋ-suŋ;

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 42:3

Enye idibuŋke esaŋ eke anuahade, idinyuŋ inimeke ɔfɔŋ utuenikaŋ eke etiede nnime-nnime: enye eyeda ikpe ɔwɔrɔ ɔnɔ akpanikɔ.

ISAIAH 9:5

Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

JOEL 3:10

mbufo eda ŋkpɔ ufuŋ-isɔŋ mbufo edom ofut, enyuŋ eda ikwa udiɔŋ-eto mbufo edom eduat: yak owo mmem-idem ɔdɔhɔ ete, Ami ndi ɔkpɔsɔŋ.

JOEL 3:12

Yak mme idut edemere enyuŋ edɔk edi ke ebedeŋ Jehoshaphat: koro nyetie do ŋkpe ikpe kpukpru mme idut emi ekande ekuk.

MICAH 4:3

Ndien enye eyekpe ikpe ke otu ediwak mme idut, onyuŋ asua ɔnɔ mkpɔsɔŋ mme idut tutu osim anyan ebiet; ndien mmɔ eyeda ofut mmɔ edom ŋkpɔ ufuŋ-isɔŋ, enyuŋ eda eduat mmɔ edom ikwa udiɔŋ-eto: ndien idut idimenke ofut itiene idut, idinyuŋ ikpepke aba ekɔŋ.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.