ISAIAH 2:2 - Edisana ñwed Abasi Ibom

² Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

ISAIAH 2:2 ပူးပေါင်းရင်းမြစ်များ

GENESIS 49:1

EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

ŊWED MME PSALM 102:23

Enye eyemem enye odudu ke usuŋ: omonyuŋ ɔmuhɔ mme usen mi.

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 22:28

Koro itie ubɔŋ enyenede Jehovah: enye onyuŋ akara ekondo.

ŊWED MME PSALM 48:2

Obot Zion edi ediye obot, ye idaresit ofuri isɔŋ, ke edem edere-edere, kpa obio akwa edidem.

ŊWED MME PSALM 68:17

Mme chariot Abasi edi tɔsin edip, ye utɔŋɔ ntak tɔsin tɔsin:

ŊWED MME PSALM 72:8

Ndien enye eyeda ubɔŋ ɔtɔŋɔde ke inyaŋ kiet tutu osim eken, onyuŋ ɔtɔŋɔde ke akpa tutu osim ke utit isɔŋ.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ŊWED MME PSALM 87:1

ITIE esie odu ke mme edisana ikpɔ obot.

ŊWED MME PSALM 87:2

Jehovah ama mme inua-otop Zion akan kpukpru mme iduŋ Jacob.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

ISAIAH 30:29

mbufo eyekwɔ ikwɔ kpa nte ke okoneyo eke enimde ederi; esit eyenyuŋ adat mbufo, nte owo emi etienede ifium asaŋa aka obot Jehovah, etiene akwa itiat Israel.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ISAIAH 60:3

Ndien mme idut eyesaŋa ke uŋwana fo, ndidem eyenyuŋ esaŋa ke usiere fo.

ISAIAH 65:11

Edi ama edi mbufo emi ekpɔŋde Jehovah, enyuŋ efrede edisana obot mi, emi ebride okpokoro enɔ Gad, enyuŋ edade mbuaha esin enɔ Meni etɔhɔ;

ISAIAH 66:20

Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

ISAIAH 66:23

Ndien ama ekem, ke kpukpru ɔfiɔŋ, ye kpukpru sabbath, kpukpru obukidem eyedi edituak ibuot ke iso mi; uyo Jehovah edi emi.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 23:20

Iyaresit Jehovah idikabakede, tutu enye anam, onyuŋ ama uduak esit esie: mbufo eyetim efiɔk enye ke utit mme usen oro.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

JEREMIAH 48:47

Jehovah onyuŋ ɔdɔhɔ, ete, Nyeda nditɔ Moab emi etaŋde mmɔ efep, nnyɔŋ ndi ke utit eyo. Ikpe Moab etie ntem.

JEREMIAH 49:39

Ndien ama ekem ke utit mme usen, nyeda nditɔ Elam emi eketaŋde efep mfiak ndi. Uyo Jehovah edi emi.

JEREMIAH 51:44

Nyenyuŋ nnɔ Bal ke Babylon ufen, nnyuŋ nsio enye se enye emende esin ke idibi ke inua mfep: ndien mme idut idibuŋɔke aba itiene enye: ibibene Babylon omonyuŋ ɔduɔ.

EZEKIEL 38:16

afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.

EZEKIEL 40:2

Enye ada mi ke ŋkukut Abasi edi ke isɔŋ Israel, onyuŋ onim mi ke enyɔŋ ata edikoŋ obot kiet, ndien se ibietde obio eke ebɔpde odoro enye ke enyɔŋ, ke edem usuk usuk.

DANIEL 10:14

Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ZECHARIAH 14:10

Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

ZECHARIAH 8:22

Ndien ediwak owo ye mkpɔsɔŋ mme idut eyedi ndiyom Jehovah mme udim ke Jerusalem, ndinyuŋ ŋkpe Jehovah ubɔk.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

MALACHI 3:12

Ndien kpukpru mme idut eyenyuŋ ebat ete ke ɔfɔn ye mbufo: koro mbufo eyedi isɔŋ inemesit, Jehovah mme udim ɔdɔhɔ.

NUMBERS 24:14

Ndien, sese, ami mmɔŋ nnyɔŋ ntiene oruk mi: yak nsian fi ndien se mbon emi edinamde mbon fo ke ini iso.

UTOM MME APOSTLE 2:17

Abasi ɔdɔhɔ ete, Ama ekem ke ukperedem ini, Nyeŋwaŋa Spirit Mi ndori kpukpru obukidem: Ndien nditɔ-iren mbufo ye nditɔ mbufo iban eyetiŋ prophecy, Mkparawa mbufo eyekut ŋkukut, Mbiowo mbufo eyenyuŋ edaba ndap:

2 ŊWED TIMOTHY 3:1

EDI fiɔk emi, ete ndiɔk eyo eyedu ke ukperedem ini.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

2 PETER 3:3

Ke akpa itie, efiɔk emi ete, ke ukperedem ini mbon nsahi eyeda nsahi edi; mmɔ eyesaŋa ke mme idiɔk itɔŋ mmɔ, enyuŋ edɔhɔ ete,

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.