ISAIAH 2:12 - Edisana ñwed Abasi Ibom

¹² Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 2:12 ပူးပေါင်းရင်းမြစ်များ

2 SAMUEL 22:28

Eyenyuŋ anyaŋa mbon-ukut: edi enyin fo ese mbon iseri: afo ɔsuhɔre mmɔ.

ŊWED JOB 24:1

NSINAM ABASI Ibom minimke ini? Nsinam mme mmɔ emi efiɔkde enye mikwe mme usen esie ŋko?

ŊWED MME PSALM 131:1

O JEHOVAH, esit mi ikoŋke, mmenekede enyin mi ke enyɔŋ: nnyuŋ nsaŋake ke ikpɔ ŋkpɔ, emi edide utibe ekan mi.

ŊWED MME PSALM 18:28

Koro afo eyedomo utuen-ikaŋ mi: Jehovah Abasi mi eyeŋwaŋa ekim mi.

ŊWED MME PSALM 37:13

Ɔbɔŋ asak enye, koro enye okutde ete ke usen esie ɔmɔŋ edi.

ŊWED MME PSALM 94:2

Ebierikpe ererimbot, menere idem fo, nɔ mbon-iseri usiene.

MME ŊKE 16:5

Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 10:33

Sese, Ɔbɔŋ, Jehovah mme udim ke awai ŋkpɔ efep ke imum: eyenyuŋ ekpeŋe mmɔ eke ekoŋde idaha, ndien mmɔ eke ekoŋde eyesuhɔre.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 13:9

Sese, usen Jehovah ɔmɔŋ edi, mbɔm iduhe, enye akpahesit, iyaresit asak nte ikaŋ, man onim isɔŋ ke ŋwure; ndien enye eyesobo mme idiɔk owo mmɔ efep ke esit.

ISAIAH 14:15

Edi eyesuhɔre fi ke obio ekpo tutu osim edem obube.

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ISAIAH 24:21

Ndien ama ekem ke usen oro, Jehovah eyeda ufen etiene udim enyɔŋ, etiene ndidem isɔŋ ke isɔŋ.

ISAIAH 24:4

Ererimbot atua, akpa ekondo eyemere, akpa, ata ikpɔ mbon ererimbot eyemere.

ISAIAH 40:23

emi onimde mbɔŋ ke se miduhe du; anam mme ebier-ikpe ererimbot edi ikpikpu.

ISAIAH 42:15

Nyesobo ikpɔ obot ye ŋkpri, nnyuŋ nnam kpukpru ikɔŋ mmɔ asat; nnyuŋ ŋkabare mme akpa mmɔŋ edi isuo, nnyuŋ nnam mkpɔdiɔhɔ-mmɔŋ esat.

ISAIAH 5:15

Ndien owo ɔsuhɔre, ɔbɔŋ onyuŋ ɔduɔ, enyuŋ etuk mbon iseri enyin:

ISAIAH 61:2

ŋkwɔrɔ isua mfɔnido Jehovah, ye usen usiene Abasi nnyin; ndɔŋ kpukpru mme atua-eyet esit;

JEREMIAH 12:9

Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

JEREMIAH 13:9

Ntem ke Jehovah ɔdɔhɔ, ete, Kpa ntem ke ami ndisobo iseri Judah, ye akwa iseri Jerusalem.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

JEREMIAH 46:10

Koro mfin emi enyenede Ɔbɔŋ Jehovah mme udim, usen usiene eke enye osiode usiene ye mme asua esie: ndien ofut eyedia ɔyuhɔ, onyuŋ ɔŋwɔŋ iyip mmɔ ɔyuhɔ: koro Ɔbɔŋ Jehovah mme udim oninim uwa ke edem edere, ke mben akpa euphrates.

JEREMIAH 50:31

Ɔbɔŋ Jehovah mme udim ɔdɔhɔ, ete, Sese, mmasua fi, O eseri-iseri, koro usen fo emedi, kpa ini eke ndinɔde fi ufen.

EZEKIEL 13:5

Mbufo ikɔdɔkke ke ŋwure, inyuŋ ibokpe ɔkɔ inɔ ufɔk Israel, man mmɔ eda ke ekɔŋ usen Jehovah.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

AMOS 5:18

Ɔdɔdiɔk ɔnɔ mbufo emi eyomde usen Jehovah ke idem mbufo! mbufo esaŋa nso ye usen Jehovah? Enye edi ekim, idige uŋwana.

MICAH 2:3

Mmɔdo ntem ke Jehovah ɔdɔhɔ, ete, Sese, ami mmɔŋ ŋkere idiɔk-ŋkpɔ kiet mbaŋa idiɔk ufɔk emi, ŋkpɔ eke mbufo mikemeke ndisio itɔŋ mbufo ke esit mfep: midinyuŋ isaŋake iseri-iseri: koro enye edide idiɔk ini.

MICAH 5:11

nyenyuŋ nsibe mme obio isɔŋ fo mfep, nnyuŋ ŋwuri kpukpru mkpɔsɔŋ ebiet fo:

ZEPHANIAH 1:16

usen ukorowo ye mkpo ekɔŋ eke eŋwanade ye mme obio ye mme obio ibibene ye mme edikoŋ tower.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

1 ŊWED CORINTH 5:5

Ɔbɔŋ Jesus eyak oruk owo emi enɔ Satan atahare obukidem esie, man ekpanyaŋa spirit esie ke usen Ɔbɔŋ Jesus.

1 ŊWED THESSALONICA 5:2

Koro mbufo ke idem mbufo emetim efiɔk ete usen Ɔbɔŋ mɔŋ edi nte inɔ ke okoneyo.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.