ISAIAH 19:3 - Edisana ñwed Abasi Ibom

³ Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 19:3 ပူးပေါင်းရင်းမြစ်များ

2 SAMUEL 15:31

Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

2 NDIDEM 1:2

Ndien Ahaziah oto ke window ubet-enyɔŋ esie emi odude ke Samaria ɔduɔ, ndien udɔŋɔ anam enye; ndien enye ɔdɔŋ mme isuŋ-utom, onyuŋ ɔdɔhɔ mmɔ, ete, Mbufo eka ekebup Baal-zebub abasi Ekron, mme udɔŋɔ emi eyekure mi.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

ŊWED MME PSALM 107:27

Mmɔ eyok enyuŋ efum nte owo mmin, ofuri ifiɔk mmɔ onyuŋ atak.

ŊWED MME PSALM 33:10

Jehovah asuan uduak mme idut: enye anam mme ekikere mme obio ekpu.

ŊWED MME PSALM 76:12

Enye esibe ibifik mbɔŋ efep: ndidem ereribot ekpedikhe enye.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ISAIAH 14:27

Koro Jehovah mme udim amaduak, ndien anie edinam enye okpu? Enye omonyuŋ anyanare ubɔk esie, ndien anie edinuk enye afiak?

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

ISAIAH 47:12

Kɔbɔ ndien ke uŋwaŋ fo, ye ke uwak idiɔŋ fo, emi afo anamde ɔkpɔsɔŋ utom ke esit toto ke uyen fo; mme afo eyekeme ndikut udori, mme afo eyekan.

ISAIAH 57:16

Koro mmeditɔhɔke utɔk ke nsinsi, ndinyuŋ nyatke esit tutu amama: koro spirit eyekpa ke iso mi, kpa mme ukpɔŋ emi ami ŋkanamde.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

JEREMIAH 46:15

Mmɔ idaha da, koro Jehovah onukde mmɔ ɔduɔk.

EZEKIEL 21:7

Ndien edikem, ke ini mmɔ edɔhɔde ye afo, ete, Nsinam afo omumde? dɔhɔ ndien ete, Ke abaŋa etop: koro enye ɔmɔŋ edi; ndien kpukpru esit eyetara, kpukpru ubɔk eyenyuŋ emem, kpukpru spirit eyenyuŋ ekpa, kpukpru edɔŋ eyenyuŋ esaŋa nte mmɔŋ: sese, ke edi, eyenyuŋ odu; emi edi uyo Ɔbɔŋ Jehovah.

EZEKIEL 22:14

Nte esit fo eyeda, nte ubɔk fo eyenyuŋ ɔsɔŋɔ ke usen eke ami ndinamde ntem ye afo? Ami Jehovah mmɔdɔhɔ, nyenyuŋ nnam.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

1 SAMUEL 25:37

Edikem ke eyo esierede, ke adaŋemi wine oro atamde Nabal, ŋwan esie obuk kpukpru ikɔ emi ɔnɔ enye, ndien esit akpa enye ke idibi, enye onyuŋ akabare etie nte itiat.