ISAIAH 18:7 - Edisana ñwed Abasi Ibom

⁷ Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

ISAIAH 18:7 ပူးပေါင်းရင်းမြစ်များ

2 CHRONICLES 32:23

Ndien ediwak owo eda enɔ esɔk Jehovah ke Jerusalem, enyuŋ eda ŋkpɔ-uto esɔk Hezekiah edidem Judah: ndien toto ke ini oro enye okpon ke enyin kpukpru mme idut.

ŊWED MME PSALM 68:32

Mbufo, mme idut ererimbot, ekwɔ enɔ Abasi; O, mbufo ekwɔ enɔ Ɔbɔŋ. [Selah.]

ISAIAH 16:1

MBUFO eda eyen erɔŋ andinyene obio etɔŋɔ ke Sela tutu esim ke wilderness, enɔ esɔk ke obot adiaha Zion. Ndien ama ekem,

ISAIAH 18:2

emi ɔdɔŋde mme isuŋutom ke usuŋ inyaŋ, ye ke ubom ŋkukop ke iso mmɔŋ, ete, Mbufo mme isuŋ utom nsɔp-ukot, eka ke mbio emi ekoŋde idaha enyuŋ edɔnɔde idem, etiene obio emi enyenede ndik, toto nte ɔkɔtɔtɔŋɔ tutu osim emi; ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ.

ISAIAH 18:4

Koro ntem ke Jehovah ɔdɔhɔ mi, ete, Nyetie suŋ ke itie mi, nnyuŋ ntiŋ enyin, nte afia eyo esede ikɔŋ, ye nte obubit enyɔŋ ekeŋede mbara ke ufiop ini ukpeŋe.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

HABAKKUK 1:7

Idut oro edi mkpa-idem ye eka-ndik: ikpe mmɔ ye ubɔŋ mmɔ eto ke idem mmɔ.

ZEPHANIAH 3:10

Mmɔ eke ekpede mi ubɔk, eyen-aŋwan ikɔt mi emi esuanade, eyeto ke edem mme akpa Ethiopia oko, ebiom utomo mi edi.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MATTHEW 2:11

Mmɔ enyuŋ eduk ufɔk ekokut nsek eyen ye eka Esie Mary; enyuŋ eduɔŋɔ ke isɔŋ, etuak ibuot enɔ Enye; ndien ekibɔre ukama-ŋkpɔ-uto mmɔ, esio gold ye ufuɔŋkpɔ ye myrrh, enɔ Enye.