ISAIAH 18:4 - Edisana ñwed Abasi Ibom

⁴ Koro ntem ke Jehovah ɔdɔhɔ mi, ete, Nyetie suŋ ke itie mi, nnyuŋ ntiŋ enyin, nte afia eyo esede ikɔŋ, ye nte obubit enyɔŋ ekeŋede mbara ke ufiop ini ukpeŋe.

ISAIAH 18:4 ပူးပေါင်းရင်းမြစ်များ

2 SAMUEL 23:4

Ndien enye eyebiet uŋwana usenubɔk, ke utin asiahade, eke uyama miyakke mbubit enyɔŋ odu: nte edim esinde mbiet afiari ke isɔŋ.

2 CHRONICLES 6:21

kop ndien mkpeubɔk owo fo, ye eke ikɔt fo Israel, eke mmɔ edikpede ese ebiet emi: tie ke ebiet-iduŋ fo ke enyɔŋ kop; ndien ke ini afo okopde, dahado.

ŊWED MME PSALM 72:6

Enye eyesuhɔre nte edim ke mbiet eke etemde, nte ŋkeŋe-nkeŋe edim ke ebebit isɔŋ.

MME ŊKE 19:12

Ikpahesit ɔbɔŋ ebiet ŋkuni lion: edi ufɔn esie ebiet mbara ke mbiet.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 14:32

Edibɔrɔ ndien mme isuŋutom mme idut didie? Ete ke Jehovah omowuk Zion, ndien mbon ukut ke otu ikɔt esie ebɔhɔ eka do.

ISAIAH 18:7

Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

ISAIAH 31:9

Ndien ndik eyenam akwa itiat esie ebe, ɔfɔŋ-etak-ubom eyenyuŋ anam mme etubom esie edikhe: emi edi uyo Jehovah emi enyenede ikaŋ ke Zion, ye otuŋ ikaŋ ke Jerusalem.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.