ISAIAH 18:3 - Edisana ñwed Abasi Ibom

³ Mbufo kpukpru emi eduŋde ke ekondo, enyuŋ etiede ke isɔŋ, ke ini edimenerede banner ke enyɔŋ ikpɔ obot, mbufo ekut; ndien ke ini efuride ukorowo, mbufo ekop.

ISAIAH 18:3 ပူးပေါင်းရင်းမြစ်များ

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ISAIAH 13:2

Mbufo emen banner ke enyɔŋ iferi obot, emenere uyo enɔ mmɔ, efuŋ ubɔk, man mmɔ eduk ke inua-otop mbɔŋ.

ISAIAH 13:4

Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 31:9

Ndien ndik eyenam akwa itiat esie ebe, ɔfɔŋ-etak-ubom eyenyuŋ anam mme etubom esie edikhe: emi edi uyo Jehovah emi enyenede ikaŋ ke Zion, ye otuŋ ikaŋ ke Jerusalem.

ISAIAH 49:22

Ntem ke Ɔbɔŋ Jehovah ɔdɔhɔ, ete, Sese, nyenyanare ubɔk mi nnɔ mme idut; nnyuŋ mmenere banner nnɔ mme obio: ndien mmɔ eyekama nditɔ-iren fo ke ikpanesit edi, enyuŋ ebiom nditɔ-iban fo ke afara.

ISAIAH 5:26

Ndien enye ke emenere ŋkpɔ idiɔŋɔ ɔnɔ mme idut ke anyan ebiet, onyuŋ esi okot mmɔ ke utit ererimbot, ndien, sese, mmɔ ke ewara edi itɔk-itɔk:

ISAIAH 7:18

Ndien ama ekem ke usen oro, Jehovah eyesi okot nduyip emi edude ke utit mme akpa mmɔŋ Egypt, okot ɔkwɔk emi edude ke isɔŋ Assyria.

JEREMIAH 22:29

O isɔŋ! isɔŋ! isɔŋ! kop uyo Jehovah.

JEREMIAH 51:27

Mbufo emenere banner ke isɔŋ, efuri ukorowo ke otu mme idut, etim mme idut ete eŋwana ye enye, ekot mme idut Ararat, ye Minni, ye Ashkenaz, ete edi ekɔŋ ye enye: enim etubom ekɔŋ ebaŋa enye; eda horse eke ebietde ŋkukuŋkpɔyɔripɔ ŋkɔi edɔk.

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

MICAH 6:2

Ikpɔ obot ye ikpɔ itiat emi ererimbot odorode ke esit, mbufo ekop utɔk Jehovah: koro Jehovah ɔtɔhɔde utɔk ye ikɔt esie, onyuŋ anamde ikɔ ye Israel.

MICAH 6:9

Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

MATTHEW 13:16

Edi ɔfɔfɔn ɔnɔ enyin mbufo, koro mmɔ ekutde ŋkpɔ; onyuŋ ɔfɔfɔn ɔnɔ utɔŋ mbufo, koro mmɔ ekopde ikɔ.

MATTHEW 13:9

Owo eke enyenede utɔŋ, yak okop.