ISAIAH 18:2 - Edisana ñwed Abasi Ibom

² emi ɔdɔŋde mme isuŋutom ke usuŋ inyaŋ, ye ke ubom ŋkukop ke iso mmɔŋ, ete, Mbufo mme isuŋ utom nsɔp-ukot, eka ke mbio emi ekoŋde idaha enyuŋ edɔnɔde idem, etiene obio emi enyenede ndik, toto nte ɔkɔtɔtɔŋɔ tutu osim emi; ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ.

ISAIAH 18:2 ပူးပေါင်းရင်းမြစ်များ

2 CHRONICLES 14:9

Ekem Zerah Ethiopian ada udim tɔsin, tɔsin owo ke itie tɔsin, ye tɔsin chariot ita, ɔwɔrɔ edi ekɔŋ ye mmɔ; ndien edi ke Mareshah.

2 CHRONICLES 16:8

Nte mme Ethiopian ye mme Libian ikedige akwa udim, ke chariot ye mbon-horse ata ediwak eti-eti? Ndien koro afo ɔkɔbuɔtde idem fo ye Jehovah, enye ada mmɔ esin fi ke ubɔk.

ŊWED JOB 9:26

Mmɔ esaŋa ebe nte ubom ŋkukop: nte ntrukpom ɔduɔde ke unam.

EXODUS 2:3

Ekem ke enye mikwe aba nte odipde eyen, enye ada ekebe nkukip, eyet enye bitumen ye itai, esin eyen ke esit; ndien emen enye aka okonim ke nnyanyaŋa ke mben akpa.

ISAIAH 18:7

Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

JEREMIAH 49:14

Mma ŋkop etop emi otode Jehovah, enyuŋ edɔŋ mme isuŋutom ke otu mme idut, ete, Mbufo esop idem, edi ekɔŋ ye enye, enyuŋ edaha ke enyɔŋ eyi ke ekɔŋ.

EZEKIEL 30:9

Ke usen oro mme isuŋ-utom eyeto ke iso mi ediere ke ubom, eka ndinam nditɔ Ethiopia ndue-idem edikhe, ndien akwa ndik eyenam mmɔ, kpa nte eke usen Egypt: koro, sese, ke edi.

OBADIAH 1:1

NKUKUT OBADIAH. Ntem ke Ɔbɔŋ Jehovah ɔdɔhɔ abaŋa Edom; ete, Nnyin imekop etop emi otode Jehovah; emenyuŋ edɔŋ mme isuŋ utom ke otu mme idut, ete, Mbufo edaha ke enyɔŋ, nnyin idaha ke enyɔŋ ika ekɔŋ ye enye.

HABAKKUK 1:7

Idut oro edi mkpa-idem ye eka-ndik: ikpe mmɔ ye ubɔŋ mmɔ eto ke idem mmɔ.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.