ISAIAH 17:1 - Edisana ñwed Abasi Ibom

¹ UYO Abasi emi abaŋa Damascus. Sese, Damascus amakabare, idige aba obio, edi ibombom ŋwure.

ISAIAH 17:1 ပူးပေါင်းရင်းမြစ်များ

GENESIS 14:15

Ndien enye ye nditɔ ufɔk esie ebahare idem mmɔ; etiene mmɔ oro ke okoneyo, edisuan mmɔ, enyuŋ ebine mmɔ tutu osim ke Hobah, emi odude ke ubɔk ufien Damascus.

GENESIS 15:2

Ndien Abram ɔdɔhɔ, ete, Jehovah Ɔbɔŋ, afo edinɔ mi nso ŋkpɔ, sia ami nsaŋa ntem nnyeneke eyen, ndien adia ufɔk mi edi Eliezer Damascus?

1 NDIDEM 11:24

ndien enye ɔkɔ owo adian idem, onyuŋ akabare edi etubom udim owo, adaŋemi David owotde mmɔ: ndien mmɔ eka ke Damascus ekeduŋ ke esit, enyuŋ eda ubɔŋ ke Damascus.

2 NDIDEM 16:9

Ndien edidem Assyria okop uyo esie: edidem Assyria onyuŋ ɔdɔk aka Damascus, akada enye, onyuŋ ataŋ mmɔ ɔnyɔŋ ke Kir, onyuŋ owot Rezin.

1 CHRONICLES 18:5

Ndien adaŋemi Syrian Damascus akade ndinyaŋa Hadarezer edidem Zobah, David owot mme Syrian tɔsin owo edip ye iba.

2 CHRONICLES 28:23

Enye onyuŋ awa uwa ɔnɔ mme abasi Damascus emi esuande enye: onyuŋ ɔdɔhɔ ete, Koro mme abasi ndidem Syria eŋwamde mmɔ, nyewa uwa nnɔ mmɔ, man eŋwam mi. Edi mmɔ esin enye ye ofuri Israel eduɔŋɔ.

2 CHRONICLES 28:5

Ndien Jehovah Abasi esie ada enye esin edidem Syria ke ubɔk; ndien mmɔ esuan enye, enyuŋ etaŋ ediwak owo enyɔŋ eka ke Damascus. Enyuŋ eda enye esin edidem Israel ke ubɔk, ndien enye amia enye akwa ufen.

ISAIAH 10:9

Nte Calno ibietke Carchemish? Nte Hamath ibietke Arpad? Nte Samaria ibietke Damascus?

ISAIAH 13:1

UYO Abasi emi ke Isaiah eyen Amoz okokut abaŋa Babylon.

ISAIAH 15:1

UYO Abasi emi abaŋa Moab: koro Ar Moab amabiara, amatak, ke okoneyo kiet; koro Kir Moab amabiara, amatak, ke okoneyo kiet.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

ISAIAH 37:26

Nte afo ukokopke? Ŋkanam enye ke eyo oko, ke ini eset, ŋkonyuŋ mbot enye. Ke emi ke nnam enye osu, ndien afo eyedi se idiwuride obio ibibene inam mmɔ edi ndon.

ISAIAH 7:16

Koro ke eyenɔwɔŋ oro mika-ifiɔkke kaŋa ndisin idiɔk, nnyuŋ mmek eti, owo eyekpɔŋ isɔŋ emi ndik edidem esie iba anamde fi.

ISAIAH 7:8

Ididaha, idinyuŋ isuhe. Koro Damascus edide ibuot Syria, Rezin onyuŋ edi ibuot Damascus; ndien osuk isua ata ye ition, Ephraim eyesuana, etre ndidi idut.

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

JEREMIAH 49:2

Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

MICAH 1:6

Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

ZECHARIAH 9:1

MBIOMO uyo Jehovah ke isɔŋ Hadrach, ndien Damascus eyedi ebiet nduɔk-odudu esie: koro owo ye kpukpru mme esien Israel eyetiŋ enyin ke Jehovah.

UTOM MME APOSTLE 9:2

enye onyuŋ adaha etiene akwa oku okobup enye, ete ɔnɔ imɔ ŋwed ida isɔk mme synagogue emi edude ke Damascus, man imɔ ima ikut owo ekededi eke esaŋade ke Usuŋ oro, ye mmɔ edide irenowo ye edide iban, ikpada mmɔ ke ebuka idi ke Jerusalem.

DEUTERONOMY 13:16

Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.