ISAIAH 16:3 - Edisana ñwed Abasi Ibom

³ “Da item di, biere ikɔ; nam mfut fo etie nte okoneyo ke ufɔt uwemeyo; dip mmɔ eke owo ebinde mmɔ efep, kuyarare mbon itɔk.

ISAIAH 16:3 ပူးပေါင်းရင်းမြစ်များ

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ISAIAH 56:8

Ɔbɔŋ Jehovah, emi obonde nditɔ Israel eke ekebinde efep, ete, Nyesuk mbon (owo efen) nnɔ enye, ŋkɔrɔ ye nditɔ esie emi ema ekebono.

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

ZECHARIAH 7:9

Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

MATTHEW 25:35

Koro Ami ŋkokopde biɔŋ, ndien mbufo enɔ Mi udia; itɔŋ akasat Mi, ndien mbufo enɔ Mi mmɔŋ; ŋkedi esen, ndien mbufo eda Mi eka ufɔk;

MME HEBREW 13:2

Ekufre ndikama isen owo, koro ndusuk owo ema esaŋa ntem eda mme angel eduk ufɔk, idiɔŋɔke.

JUDGES 9:15

Ndien mbarekpe ɔdɔhɔ mme eto, ete, Edieke mbufo enimde mi ke ɔbɔŋ mbufo ke akpanikɔ, mbufo edi edibuɔt idem ke mfut mi; edi midige ntre, ikaŋ eyewɔrɔ ke mbarekpe akata mme cedar ke Lebanon.