ISAIAH 14:4 - Edisana ñwed Abasi Ibom

⁴ ndien afo eyemenere ikwɔ emi abaŋa edidem Babylon; onyuŋ ɔdɔhɔ ete,

ISAIAH 14:4 ပူးပေါင်းရင်းမြစ်များ

2 CHRONICLES 36:18

Ndien ama edi kpukpru mkpoduoho ufɔk Abasi, ikpɔ ye ŋkpri, ye ŋkpɔ-uto ufɔk Jehovah, ye ŋkpɔ-uto edidem, ye eke mbɔŋ esie, enye ataŋ kpukpru ɔnyɔŋ ke Babylon.

ISAIAH 13:1

UYO Abasi emi ke Isaiah eyen Amoz okokut abaŋa Babylon.

ISAIAH 13:19

Ndien Babylon, uyai mme idut, mbana ye ŋkpɔ iseri mme Chaldee, eyebiet nsobo oro Abasi okosobode Sodom ye Gomorrah.

ISAIAH 14:17

anam ekondo akabare edi wilderness, onyuŋ owuri mme obio esie; inyuŋ isanake mbuot ekɔŋ esie iyak eka edem mmɔ?”

ISAIAH 14:5

Anam didie andituk oro atak! obio gold atak! Jehovah omobuŋ esaŋ mme anam-idiɔk, ye mmɔnyɔ mbɔŋ,

ISAIAH 14:6

eke ɔkɔtɔde mme obio ke ikpahesit, osuk ɔtɔtɔ, idopke, onyuŋ akande mme idut ke iyaresit, osuk ɔkɔbɔ, inyuŋ itreke.

ISAIAH 16:4

Yak nditɔ Moab emi ebinde mmɔ efep, eduŋ ye afo: di ebiet udibe eke mmɔ ekpebɔhɔde andibiat: koro andituk ɔmɔŋ odop, nnama ɔmɔŋ etre, eyesobo mbon akakan ke isɔŋ efep.

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

ISAIAH 47:5

O Adiaha mme Chaldean, tie ke ndobo, nyuŋ duk ke ekim: koro mmɔ midikotke aba fi, ite, Ɔbɔŋ aŋwan ekondo.

ISAIAH 49:26

Ndien nyenɔ mmɔ eke efikde fi obuk idem mmɔ eta; ndien mmɔ eyeŋwɔŋ iyip idem mmɔ ekpa, nte ke obufa wine: ndien ofuri obukidem eyefiɔk, ete ke ami Jehovah ndi andiyaŋa fi, ke andifak fi onyuŋ edi Ɔkpɔsɔŋ Abasi Jacob.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

ISAIAH 51:23

edi nda enye nsin ke ubɔk mmɔ emi etuhɔde fi: emi ekedɔhɔde ukpɔŋ fo, ete, Nuhɔ, man nnyin isaŋa ibe: ndien afo ama onim edem fo nte isɔŋ, ye nte efak ɔnɔ mmɔ eke esaŋade ebe.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 48:17

Mbufo kpukpru mmɔ emi ekande enye ekuk etua enye; yak kpukpru mmɔ eke efiɔkde enyiŋ esie enyuŋ edɔhɔ, ete, Anam didie ebuŋ ɔkpɔsɔŋ esaŋ, mmɔnyɔ uyai!

ŊWED ESEME 4:1

GOLD anam didie akabare ebire! ata eti gold anam didie ɔkpuhɔre! Mme itiat edisana ebiet emeduɔŋɔ ke ibuot kpukpru mme efak.

EZEKIEL 5:15

Ndien enye eyekabare edi ŋkpɔ but ye esuene, ŋkpɔ item ye ŋkpɔ ndyɔ ɔnɔ mme idut emi ekande fi ekuk, ke ini ŋkpede ikpe ye afo ke iyaresit, ye ke ifuresit, ye ke ikaŋ nduari; edi ami Jehovah ndɔhɔ;

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

HABAKKUK 2:17

ikpɔhi ye but eyenyuŋ edoro ke ubɔŋ fo. Koro afai Lebanon eyefuk fi, ye nsobo mme unam emi ekesinde mmɔ ndik, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 18:16

akwa obio, emi ekesinde linen, ye purple, ye ididuot ɔfɔŋ, onyuŋ adade gold ye ɔsɔŋ-urua itiat ye pearl abana idem!

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.