ISAIAH 14:2 - Edisana ñwed Abasi Ibom

² Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 14:2 ပူးပေါင်းရင်းမြစ်များ

EZRA 2:65

ekɔrɔ ye ifin iren mmɔ ye ifin iban mmɔ, emi esimde tɔsin itiaba, ye ikie ita ye edip ye efureba: ndien mme ɔkwɔ-ikwɔ iren ye iban ikie iba enyuŋ edu ke otu mmɔ.

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

ISAIAH 18:7

Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

ISAIAH 31:8

Ndien Assyria eyeduɔ ke ofut, idige eke owo; ofut Enye mi midige owo eyenyuŋ adia enye; ndien enye eyefehe mbak ofut, mbon-ekɔŋ esie eyenyuŋ ekabare etomo utomo.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

ISAIAH 49:22

Ntem ke Ɔbɔŋ Jehovah ɔdɔhɔ, ete, Sese, nyenyanare ubɔk mi nnɔ mme idut; nnyuŋ mmenere banner nnɔ mme obio: ndien mmɔ eyekama nditɔ-iren fo ke ikpanesit edi, enyuŋ ebiom nditɔ-iban fo ke afara.

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

ISAIAH 49:25

koro ntem ke Jehovah ɔdɔhɔ, ete, Eyebɔ idem ɔkpɔsɔŋ owo mbuot ekɔŋ esie, mbume owo ndik eyenyuŋ ɔbɔhɔ: ndien edi ami nditɔhɔ ye mmɔ eke etɔhɔde ye afo, edi ami ndinyuŋ nnyaŋa nditɔ fo.

ISAIAH 54:3

koro afo eyesiaha ke nnasia ye ke ufien; ubon fo eyenyuŋ eda mme idut enyene, enyuŋ eda ndiwure obio eduŋ.

ISAIAH 60:14

Ndien nditɔ mmɔ emi ekefikde fi, eyedi edinuhɔ enɔ fi; kpukpru mmɔ emi ekesinde fi ke ndek eyenyuŋ enuhɔ ke ikpat ukot fo; ndien mmɔ eyekot fi, ete, “Obio Jehovah, Zion Edisana Abasi Israel.”

ISAIAH 60:4

Menere enyin fo kabare kuk, nyuŋ se; kpukpru mmɔ ebono edi ke ɔtɔ fo: nditɔ-iren fo eyeto ke anyan ebiet edi, eyenyuŋ ebiom nditɔ fo iban ke ŋkaŋ.

ISAIAH 61:5

Ndien isen owo eyeda ebɔk ŋkpri ufene mbufo, nditɔ idut eyenyuŋ ekabare edi mme ofuŋ-isɔŋ mbufo ye mme ɔdiɔŋ-vine mbufo.

ISAIAH 66:12

Koro ntem ke Jehovah ɔdɔhɔ, ete, Sese, ami mmɔŋ nnyanare emem nnɔ enye nte akpa mmɔŋ, ye ubɔŋ mme idut nte idim mmɔŋ eke eyɔhɔde ada mben: ndien mbufo eyewap eba, eyekɔhɔ ke ŋkaŋ, owo eyenyuŋ etem mbufo ke edɔŋ.

JEREMIAH 30:16

Mmɔdo eyedia kpukpru mmɔ eke ediade fi; kpukpru mme asua fo, kpukpru mmɔ eyeka ke otu mbon ntaŋ-mfep; ndien mmɔ eke ebumede fi eyedi se edibumede: nyenyuŋ nda mmɔ eke ewode fi nnim ke se ewode.

JEREMIAH 49:2

Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

EZEKIEL 39:10

ndien mmɔ idibiomke eto ke ikɔt idi, inyuŋ isiakke isio ke mme akai; koro mmɔ eyeda ŋkpɔ-ekɔŋ ebara ikaŋ: enyuŋ ebume mmɔ emi ebumede mmɔ, enyuŋ ewo ŋwo ye mmɔ emi ewode mmɔ. Emi edi uyo Ɔbɔŋ Jehovah.

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

JOEL 3:8

ndien nyenyam nditɔ-iren mbufo ye nditɔ mbufo iban nsin ke ubɔk nditɔ Judah; ndien mmɔ eyeda mmɔ enyam enɔ mbon Sheba ke anyan idut koro edi Jehovah ɔdɔhɔ.

LEVITICUS 25:44

Edi yak edi nditɔ mme idut emi ekande mbufo ekuk edi ofin eren fo ye ofin aŋwan fo emi afo edinyenede; mbufo edep ifin iren ye ifin iban ye mmɔ.

OBADIAH 1:17

Edi ubɔhɔ eyedu ke obot Zion, enye eyenyuŋ edi edisana; ufɔk Jacob eyenyuŋ eda udeme mmɔ.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

ZECHARIAH 2:9

Koro, sese, nyenyeŋe ubɔk mi nse mmɔ, ndien mmɔ eyekabare edi se ifin mmɔ ebumede: ndien mbufo eyefiɔk ete ke Jehovah mme udim ɔmɔdɔŋ mi utom.

LUKE 12:45

Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

ŊWED MBON ROME 15:27

Edi se ikenemde mmɔ ke enyin ke akpanikɔ; mmɔ enyuŋ ekama mmɔ oro isɔn ŋko. Koro edieke mmɔ ema ekenam mme Gentile etiene mmɔ enyene udeme ke ŋkpɔ spirit, mme Gentile ekama mmɔ isɔn ndida ŋkpɔ obukidem nnɔ mmɔ nte uwa.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

ŊWED MBON EPHESUS 4:8

Mmɔdo edɔhɔde ete, Ke adaŋemi Enye ɔdɔkde ke enyɔŋ, Enye ada mbuotekɔŋ ɔnyɔŋ, Ndien ɔnɔ owo enɔ.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.