ISAIAH 13:6 - Edisana ñwed Abasi Ibom

⁶ Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 13:6 ပူးပေါင်းရင်းမြစ်များ

ŊWED JOB 31:23

Koro nsobo Abasi ekpedide ŋkpɔ ndik mi, ndien oto koro Enye okoŋde, ŋkpekemeke ndida.

ISAIAH 10:25

Koro osuk ata ini esisit kaŋa, ndien ikpahesit okure, ye iyaresit mi ke edisobo mmɔ.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 13:9

Sese, usen Jehovah ɔmɔŋ edi, mbɔm iduhe, enye akpahesit, iyaresit asak nte ikaŋ, man onim isɔŋ ke ŋwure; ndien enye eyesobo mme idiɔk owo mmɔ efep ke esit.

ISAIAH 14:23

Uyo Jehovah edi emi. Nyenyuŋ nnim enye ke se ebiɔŋ adade enyene, ye ke mkpɔdiɔhɔ-mmɔŋ: nnyuŋ nda ifiet nsobo ŋkpɔri enye mfep. Uyo Jehovah mme udim edi emi.

ISAIAH 14:31

Tua, O inua-otop; seme, O obio; Philistia, afo amatara kpukpru: koro nsuŋikaŋ otode ke edere, ndien baba owo eke adianarede iduhe ke otu mme udim-ekɔŋ esie.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 23:1

UYO Abasi emi abaŋa Tyre. Mbufo ubom mbakara Tarshish etuaŋa: koro enye abiarade, ufɔk iduhe, eriduk iduhe: etie ke isɔŋ Kittim eyarare emi enɔ mmɔ.

ISAIAH 34:2

Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ISAIAH 34:8

Koro Jehovah onimde usen usiene, onim isua utip abaŋa ikɔ Zion.

ISAIAH 47:11

Ndien idiɔk ŋkpɔ mmɔŋ edisim fi; ndien afo udufiɔkke usiere esie: nsobo eyenyuŋ ɔduɔ fi ke idem; ndien afo udukwe nte ofimerede enye efep: nditaha eyenyuŋ edi edibuat fi; ndien afo udufiɔkke.

ISAIAH 52:5

Jehovah onyuŋ ɔdɔhɔ, ete, Nso ŋkpɔ ke nnyene mi, ndien, emi emende ikɔt mi efep ke ikpikpu? Jehovah ɔdɔhɔ, ete, Mmɔ emi ekarade mmɔ efiori, enyuŋ esuk esuene enyiŋ mi ke kpukpru ini ke ofuri usen.

ISAIAH 61:2

ŋkwɔrɔ isua mfɔnido Jehovah, ye usen usiene Abasi nnyin; ndɔŋ kpukpru mme atua-eyet esit;

ISAIAH 63:4

Koro usen usiene odude mi ke esit, isua mmɔ emi mfakde omonyuŋ edi.

ISAIAH 65:14

ikɔt mi eyekwɔ ke idaresit, edi mbufo eyeseme ke ubiak esit, enyuŋ etuaŋa ke ndutuhɔ spirit.

JEREMIAH 25:34

Mbufo mme ekpemerɔŋ eseme enyuŋ efiori; mme etubom ufene, mbufo emiaŋa ke ntɔŋ: koro ekemde ke usen nte ewotde mbufo enyuŋ esuande mbufo; ndien mbufo eyeduɔŋɔ nte ŋkpɔ uto.

JEREMIAH 49:3

O Heshbon, fiori: koro Ai amabiara: nditɔ iban Rabbah, mbufo eseme, ebɔbɔ ɔfɔŋ-ikpo ke idem; etuaŋa, enyuŋ ebuŋɔ kip esuana ke otu mme ɔkɔ: koro etaŋde edidem mmɔ efep, mme oku esie, ye mbɔŋ esie ɔtɔ kiet.

JEREMIAH 51:8

Babylon ɔmɔduɔ ke isɔrɔ kiet onyuŋ owure: mbufo etua enye; eda balm enɔ unan esie, mme eyekeme ndikɔk enye.

EZEKIEL 13:5

Mbufo ikɔdɔkke ke ŋwure, inyuŋ ibokpe ɔkɔ inɔ ufɔk Israel, man mmɔ eda ke ekɔŋ usen Jehovah.

EZEKIEL 21:12

Fiori nyuŋ seme, O eyen owo: koro enye eyedoro ikɔt mi ke idem: enye eyedoro kpukpru mbɔŋ Israel ke idem: emeyak mmɔ enɔ ofut ye ikɔt mi: tuak ndien ifuhi.

DANIEL 5:26

Ikɔ emi onyuŋ asaŋa ntem: MENE: Abasi amabat ubɔŋ fo, omonyuŋ anam enye okure.

DANIEL 5:9

Belshazzar oyomo nsia idige ŋkpɔ, iso onyuŋ akabare enye kpai ke idem, idem onyuŋ akpa ikpɔ owo esie ŋko-ŋko.

JOEL 1:11

Mbufo mbon-iŋwaŋ eda but; mbufo mme andidiɔŋ iŋwaŋ-vine eseme ebaŋa wheat ye barley; koro ukpeŋe iŋwaŋ atakde.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JOEL 1:5

Mbufo mbon mmin edemere enyuŋ etua eyet; kpukpru mbufo mme ɔŋwɔŋ-wine, enyuŋ eseme ebaŋa obufa wine: koro emesibe enye ke inua mbufo efep.

JOEL 2:1

MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

AMOS 5:18

Ɔdɔdiɔk ɔnɔ mbufo emi eyomde usen Jehovah ke idem mbufo! mbufo esaŋa nso ye usen Jehovah? Enye edi ekim, idige uŋwana.

ZEPHANIAH 1:14

Akwa usen Jehovah emekpere, emekpere, eyenyuŋ ɔsɔp eti-eti, uyo usen Jehovah; do ke owo uko atua idiɔk-idiɔk.

ZEPHANIAH 1:7

Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.

ZECHARIAH 14:1

SESE, usen Jehovah ke edi, ndien mmɔ eyedeme mbume fo ke ufɔt fo.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.