ISAIAH 13:4 - Edisana ñwed Abasi Ibom

⁴ Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ISAIAH 13:4 ပူးပေါင်းရင်းမြစ်များ

ISAIAH 17:12

Kop! uyom ediwak mme idut! ke eyomo nte uyom inyaŋ ibom. Mkpo ediwak owo ŋko! Ke ekpot nte akamba mmɔŋ okpotde.

ISAIAH 48:14

Mbufo kpukpru esop idem, enyuŋ ekop; anie ke otu mmɔ akasiak ŋkpɔ emi? Jehovah ama enye; enye eyenam se amade ke Babylon, ubɔk esie eyenyuŋ anam mme Chaldean.

ISAIAH 5:26

Ndien enye ke emenere ŋkpɔ idiɔŋɔ ɔnɔ mme idut ke anyan ebiet, onyuŋ esi okot mmɔ ke utit ererimbot, ndien, sese, mmɔ ke ewara edi itɔk-itɔk:

ISAIAH 5:30

Ndien enye eyekuni enye ke usen oro, kpa nte inyaŋ ibom oyomode: enye eyenyuŋ ese obot, ndien, sese, ekim! nnanenyin, ye uŋwana! ke okim ke mbubit enyɔŋ esie.

JEREMIAH 21:4

Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 25:14

Koro ediwak mme idut ye ikpɔ ndidem eyenim kpa mmɔ ke ifin: ndien ami nyesio usiene ye mmɔ nte ekemde ye utom mmɔ ye se ubɔk mmɔ enamde.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

JOEL 3:14

Udim! udim! ke itihere ikpe: koro usen Jehovah emekpere ke itihere ikpe.

ERIYARARE 18:8

Mmɔdo ke usen kiet ke mme ufen edibuat enye, mkpaŋa ye ntuaŋa ye akaŋ; eyenyuŋ efɔp enye ke ikaŋ; koro Ɔbɔŋ Abasi, emi ekpede ikpe ye enye, edide Ɔkpɔsɔŋ.