ISAIAH 12:4 - Edisana ñwed Abasi Ibom

⁴ Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.

ISAIAH 12:4 ပူးပေါင်းရင်းမြစ်များ

1 CHRONICLES 16:8

Mbufo ekɔm Jehovah; eseme ekot enyiŋ esie; emen se enye anamde etaŋa enɔ kpukpru owo.

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

NEHEMIAH 9:5

Ndien mme Levite, Jeshua, ye Kadmiel, ye Bani, ye Hashabneiah, ye Sherebiah, ye Hodiah, ye Shebaniah, ye Pethahiah, edɔhɔ, ete, Mbufo edaha ke enyɔŋ ekɔm Jehovah Abasi mbufo ke nsinsi nsinsi: yak mmɔ enyuŋ ekɔm enyiŋ ubɔŋ fo, emi okoŋde akan kpukpru ekɔm ye itoro.

ŊWED MME PSALM 105:1

O MBUFO ekɔm Jehovah; ekot enyiŋ esie: etaŋa ese esie ke otu mme idut.

ŊWED MME PSALM 107:22

Yak mmɔ enyuŋ ewa mme uwa ekɔm, enyuŋ etaŋa mme ese esie ke ikwɔ.

ŊWED MME PSALM 113:5

Anie ebiet Jehovah Abasi nnyin, emi oduŋde ke enyɔŋ,

ŊWED MME PSALM 148:13

yak mmɔ etoro enyiŋ Jehovah: koro enyiŋ esie ikpɔŋ-ikpɔŋ okoŋde; ubɔŋ esie emenere akan isɔŋ ye enyɔŋ.

ŊWED MME PSALM 18:46

Jehovah ododu uwem: yak enyuŋ etoro akwa itiat mi; Abasi erinyaŋa mi eyenyuŋ okoŋ.

ŊWED MME PSALM 21:13

Menere idem fo. O Jehovah, ke nsɔŋidem fo; nnyin iyekwɔ, inyuŋ itoro odudu fo.

ŊWED MME PSALM 22:31

Mmɔ eyedi editiŋ eti ido esie enɔ mbio eke edimanade, ete ke enye ama anam.

ŊWED MME PSALM 34:3

Mbufo etiene mi ekpono Jehovah, eyak nnyin inyuŋ itoro enyiŋ esie ɔtɔ kiet.

ŊWED MME PSALM 40:5

Afo, O Jehovah Abasi mi, amanam utibe ido fo, ye ekikere fo eke ekerede nnyin, ewak: idige nte etiŋde mmɔ enɔ fi: mmoyom ndisiak nnyuŋ mbuk mmɔ, edi mmɔ ekan nte ebatde.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ŊWED MME PSALM 57:5

Menere idem fo ke enyɔŋ, O Abasi; yak ubɔŋ fo okoŋ akan ofuri isɔŋ.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ŊWED MME PSALM 73:28

Edi ama edi ami, ɔfɔn mi ndikpere Abasi: mberedem ye Ɔbɔŋ Jehovah, man mbuk kpukpru mme utibe ŋkpɔ fo.

ŊWED MME PSALM 9:11

Mbufo ekwɔ enɔ Jehovah emi oduŋde ke Zion: etaŋa ese esie ke otu mme idut.

ŊWED MME PSALM 96:3

Etiŋ ubɔŋ esie ke otu mme idut, ye mme utibe ŋkpɔ esie ke ofuri ererimbot.

ŊWED MME PSALM 97:9

Koro afo, O Jehovah, edide Ata Edikoŋ akan ofuri ererimbot: afo omokoŋ eti-eti akan kpukpru abasi.

EXODUS 15:2

Jehovah edi odudu mi ye ikwɔ, omonyuŋ edi erinyaŋa mi: enye edi Abasi mi, ndien nyekpono enye; Abasi ete mi, ndien nyetoro enye.

EXODUS 33:19

Ndien Enye ɔdɔhɔ, ete, Ami nyenam ofuri ufɔn mi ɔbiɔŋɔ fi ke iso, nyenyuŋ ntaŋa enyiŋ Jehovah ke iso fo: nnyuŋ mfɔn ye owo eke ndifɔnde, nnyuŋ nnyene mbɔm ye owo eke ndinyenede mbɔm.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 25:1

JEHOVAH, afo edi Abasi mi, nyekpono fi, nyetoro enyiŋ fo; koro afo anamde mme utibe ŋkpɔ; kpa uduak eyo oko, ata akpan akpanikɔ.

ISAIAH 26:8

Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

JEREMIAH 50:2

Mbufo etiŋ, ke otu mme idut enyuŋ ekwɔrɔ, enyuŋ emenere banner, ekwɔrɔ, ekudip; edɔhɔ ete, Ema emum Babylon, but anam Bel, Merodach amasuana; but anam mbiet esie, ekpat eto esie emesuana.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.