ISAIAH 12:3 - Edisana ñwed Abasi Ibom

³ Ndien mbufo eyekot mmɔŋ ke idaresit ke mme obube mmɔŋ erinyaŋa.

ISAIAH 12:3 ပူးပေါင်းရင်းမြစ်များ

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ŊWED MME PSALM 87:7

Mbon ikwɔ ye unek (eyedɔhɔ ete), Kpukpru idim mi edu fi ke esit.

IKWƆ SOLOMON 2:3

Nte apple ke otu eto akai, kpa ntre ke ama mi etie ke otu mkparawa. Mmama nditie ke mfut esie, mfri esie onyuŋ eniŋe mi ke nsiŋ.

ISAIAH 41:18

Nyesiak akpa mmɔŋ ke enyɔŋ ikpɔ obot, nyesiak idim mmɔŋ ke ufɔt mme ebedeŋ: nyenim wilderness ke mkpɔdiɔhɔ-mmɔŋ, nyenim edisat isɔŋ ke mbuot idim.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

EZEKIEL 47:9

Ndien ama ekem, kpukpru mme odu-uwem eke edinyɔkde ke ebiet ekededi eke akpa osimde do, eyedu uwem: iyak eyenyuŋ awak eti-eti, koro mmɔŋ emi osimde ko; koro mmɔŋ eyekabare ɔfɔn; ndien kpukpru oruk ŋkpɔ eke akpa mmɔŋ oro edisimde eyedu uwem.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

JOHN 1:16

Koro nnyin kpukpru ikɔbɔ mfɔn ikɔrɔ ke mfɔn oto ke uyɔhɔ Esie.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

1 SAMUEL 2:1

NDIEN Hannah ɔbɔŋ akam, ete, Esit mi ke adara Jehovah; nduk mi okoŋ ke Jehovah; inua mi atara akan mme asua mi; koro edinyaŋa fo adatde mi esit.