ISAIAH 12:2 - Edisana ñwed Abasi Ibom

² Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 12:2 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

ŊWED JOB 13:16

Enye ŋko eyekabare anyaŋa mi: koro mme oburobut owo mikemeke ndika ke iso esie.

ŊWED MME PSALM 112:8

Esit esie ɔmɔsɔŋ ada, ndik idinamke enye, tutu enye okut mme asua esie.

ŊWED MME PSALM 118:14

Jehovah edi odudu mi ye ikwɔ, enye omonyuŋ akabare edi erinyaŋa mi.

ŊWED MME PSALM 118:21

Nyekɔm fi, koro afo eyerede mi: ama onyuŋ akabare edi erinyaŋa mi.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ŊWED MME PSALM 65:6

Emi adade nsɔŋ-idem esie ɔsɔŋ owuk ikpɔ obot; ke ɔbɔbɔ odudu:

ŊWED MME PSALM 68:20

Abasi edi Abasi emi anyaŋade nnyin; ndien ubɔhɔ mkpa enyene Jehovah Ɔbɔŋ.

ŊWED MME PSALM 68:21

Edi Abasi edisuan ibuot mme asua esie, kpa idet-idet mkpɔkpɔrɔ enye emi asaŋade ke mme idiɔk ido esie.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

EXODUS 15:2

Jehovah edi odudu mi ye ikwɔ, omonyuŋ edi erinyaŋa mi: enye edi Abasi mi, ndien nyekpono enye; Abasi ete mi, ndien nyetoro enye.

ISAIAH 10:24

Mmɔdo ntem ke Ɔbɔŋ Jehovah mme udim ɔdɔhɔ, ete, Ikɔt mi emi eduŋde ke Zion, mbufo ekufeŋe Asshur ndik: enye eyemia mbufo ke eto, onyuŋ emen esaŋ esie etiene fi, kpa nte Egypt akanamde.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 27:5

Midige ntre, yak enye omum odudu mi, onyuŋ anam emem ye ami: yak enye anam emem ye ami.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 38:20

Jehovah mmɔŋ edinyaŋa mi: ndien nnyin iyekwɔ ikwɔ mi ke ofuri usen uwem nnyin ke ufɔk Jehovah.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

ISAIAH 65:18

Edi mbufo edat esit, enyuŋ ebre nsinsi ke se ami mbotde: koro, sese, ami mbot Jerusalem ke ŋkpɔ inemesit, mbot mbio esie ke ŋkpɔ idaresit.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 3:23

Ke akpanikɔ ŋkpri obot ye akwa otu ikpɔ obot edi ŋkpɔ nsu: ke akpanikɔ erinyaŋa Israel odu ke Jehovah Abasi nnyin.

DANIEL 3:28

Nebuchadnezzar ɔbɔrɔ onyuŋ ɔdɔhɔ ete, Ekɔm Abasi Shadrach ye Meshach ye Abednego, emi ɔkɔdɔŋde angel esie, onyuŋ anyaŋade ikɔt esie emi ebuɔtde idem mmɔ ye enye, enyuŋ ekpuhɔrede uyo edidem, enyuŋ eyak idem mmɔ, man ekunam ŋkpɔ, ekunyuŋ etuak ibuot enɔ baba abasi kiet, ke mibɔhɔke Abasi idem mmɔ.

HOSEA 1:7

Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

HABAKKUK 3:18

Ndien ami nyedara Jehovah, nyebre mbaŋa Abasi erinyaŋa mi.

ŊWED MBON ROME 1:16

Koro but inamke mi ye gospel; koro enye edide odudu Abasi, emi ɔwɔrɔde erinyaŋa ɔnɔ kpukpru owo eke ebuɔtde idem; ɔnɔ mme Jew ke akpa-itie, onyuŋ ɔnɔ mme Greek.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

ERIYARARE 7:10

mmɔ enyuŋ efiori ke ɔkpɔsɔŋ uyo, ete, Yak erinyaŋa enyene Abasi nnyin emi etiede ke ebekpo, Onyuŋ enyene Eyen-erɔŋ.

1 SAMUEL 2:1

NDIEN Hannah ɔbɔŋ akam, ete, Esit mi ke adara Jehovah; nduk mi okoŋ ke Jehovah; inua mi atara akan mme asua mi; koro edinyaŋa fo adatde mi esit.