ISAIAH 12:1 - Edisana ñwed Abasi Ibom

¹ NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 12:1 ပူးပေါင်းရင်းမြစ်များ

NEHEMIAH 8:10

Ndien enye ɔdɔhɔ mmɔ, ete, Mbufo eka eketa isek, enyuŋ eŋwɔŋ iniŋe, enyuŋ enɔ enɔ esɔk owo eke mitimke baba ŋkpɔ kiet ibeŋe enye: koro mfin emi edide edisana usen Ɔbɔŋ nnyin: mbufo ekufuhɔ ndien; koro idaresit Jehovah edide odudu mbufo.

ŊWED JOB 11:16

Koro afo eyefre ukut fo, onyuŋ eti enye nte mmɔŋ eke ekebede aka;

ŊWED JOB 13:16

Enye ŋko eyekabare anyaŋa mi: koro mme oburobut owo mikemeke ndika ke iso esie.

ŊWED MME PSALM 30:5

Koro enye ayatde esit ke ekpri ini; uwem oto ke mfɔn-ido esie: eyet eyedaŋ ke mbubreyo, ndien idara edi ke usenubɔk.

ŊWED MME PSALM 71:21

Afo eyenam ubom mi okpon, onyuŋ afiak edidɔŋ mi esit.

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

ŊWED MME PSALM 86:17

Nam idiɔŋɔ mfɔn ye ami; ndien mme asua mi eyekut, enyuŋ ekop esuene: koro afo, Jehovah, aŋwamde mi, onyuŋ ɔdɔŋde mi esit.

ŊWED MME PSALM 9:1

NYEKƆM Jehovah ke ofuri esit mi; nyebuk kpukpru mme utibe ŋkpɔ fo.

ISAIAH 10:25

Koro osuk ata ini esisit kaŋa, ndien ikpahesit okure, ye iyaresit mi ke edisobo mmɔ.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 11:16

Ndien ɔkpɔ-usuŋ eyena ɔnɔ nsuhɔ ikɔt esie, eke Asshur edisuhɔde; kpa nte akanade ɔnɔ Israel ke usen oro enye otode ke Egypt ɔdɔk.

ISAIAH 14:3

Ndien ama ekem ke usen emi Jehovah edisiode fi ke ndutuhɔ fo, ye ke nyomo-nsia fo, ye ke ɔkpɔsɔŋ ufin emi enimde fi, efep, ɔnɔ fi nduɔk-odudu,

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 25:1

JEHOVAH, afo edi Abasi mi, nyekpono fi, nyetoro enyiŋ fo; koro afo anamde mme utibe ŋkpɔ; kpa uduak eyo oko, ata akpan akpanikɔ.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 49:13

Mbufo enyɔŋ, ekwɔ; isɔŋ, nyuŋ dara; mbufo ikpɔ obot ebumere ekwɔ: koro Jehovah ɔdɔŋde ikɔt esiemɔ esit, eyenyuŋ atua ikɔt esie emi etuhɔde, mbɔm.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 54:7

Ŋkɔduɔk fi ini esisit; ndien nyetaŋ fi ke akwa mbɔm.

ISAIAH 54:8

Ke ibumere iyaresit ke ŋkodip fi iso mi ini esisit; ndien nda nsinsi ima ntua fi mbɔm; Jehovah andifak fi ɔdɔhɔ.

ISAIAH 54:9

Koro emi etiede nte mmɔŋ Noah ye ami: kpa nte ŋkɔŋwɔŋɔde, nte ke mmɔŋ Noah idiyɔhɔke aba ifuk isɔŋ; kpa ntre ke ŋkɔŋwɔŋɔ nte ke nditɔhɔke aba ye afo, ndinyuŋ nduarike aba fi.

ISAIAH 60:10

Ndien nditɔ isen owo eyebɔp ibibene fo, ndidem mmɔ eyenyuŋ enam ŋkpɔ enɔ fi: koro ke iyaresit mi ke ŋkamiŋa fi, ndien ke mfɔnido mi ke ŋkatua fi mbɔm.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 64:5

Afo osobo ye owo eke adatde esit ke erinam edinen ido, eke adade usuŋ fo eti fi. Sese, afo amayat esit: ndien nnyin inam idiɔk: nsinsi ubigi odu mmɔ oro ke esit, ndien eyenyaŋa nnyin.

ISAIAH 65:18

Edi mbufo edat esit, enyuŋ ebre nsinsi ke se ami mbotde: koro, sese, ami mbot Jerusalem ke ŋkpɔ inemesit, mbot mbio esie ke ŋkpɔ idaresit.

ISAIAH 66:13

Kpa nte owo emi eka esie ɔdɔŋde enye esit, kpa ntre ke ami ndidɔŋ mbufo esit: ndien eyedɔŋ mbufo esit ke Jerusalem.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

JEREMIAH 31:13

Ndien eyen-aŋwan eyebre ke unek, ye mkparawa ye mbiowo ke ɔtɔ kiet: ndien nyeda inem ŋkpuhɔre eyet mmɔ, nnyuŋ ndɔŋ mmɔ esit, nnyuŋ nnam mmɔ edat esit ke ini ubaha mmɔ okurede.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 14:20

Ke usen oro “EDISANA ŊKPƆ JEHOVAH” eyedu ke ŋkanika mme horse: mme eso ke ufɔk Jehovah eyenyuŋ ebiet mme bowl ke iso itie-uwa.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

ZECHARIAH 8:11

nte eŋwana kiet ye kiet. Edi ke emi ami ndinamke ye mbio emi esukde, nte emi ŋkanamde ke akpa ini: emi edi uyo Jehovah mme udim.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.