ISAIAH 11:3 - Edisana ñwed Abasi Ibom

³ ndien uteŋe Jehovah eyenem enye esit: ndien enye idikpehe ikpe nte esede ke enyin, idinyuŋ ibiereke ikɔ nte okopde ke utɔŋ:

ISAIAH 11:3 ပူးပေါင်းရင်းမြစ်များ

2 SAMUEL 14:17

Ndien ofin aŋwan fo ɔdɔhɔ ete, Yak uyo ɔbɔŋ mi edidem akam edi eke nduɔk-odudu: koro ɔbɔŋ mi edidem etiede kpa nte angel Abasi ndikop eti ye idiɔk: Jehovah Abasi fo onyuŋ odu ye afo.

2 SAMUEL 14:8

Ndien edidem ɔdɔhɔ ŋwan oro, ete, Nyɔŋ ufɔk fo, ndien ami nyewuk ewuhɔ mbaŋa fi.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 3:9

onyuŋ abat. Nɔ owo fo ndien esit ɔniɔŋ, man ŋkpe ikpe ikɔt fo, man ntim mfiɔk eti ye idiɔk: koro anie ekeme ndikpe akwa ikɔt fo emi?

ŊWED JOB 12:11

Nte utɔŋ idomoke ikɔ, kpa nte nsiŋ atabide udia ke idem esie?

ŊWED JOB 34:3

Koro utɔŋ odomode ikɔ, nte emi nsiŋ atabide udia.

MME ŊKE 2:5

Ndien afo eyetim ɔfiɔk uteŋe Jehovah, onyuŋ osime ifiɔk Abasi.

MME ŊKE 2:9

Ndien afo eyetim ɔfiɔk eti ido, ye ikpe, ye se enende; ye kpukpru nti usuŋ.

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

EZEKIEL 45:8

Se enye edidade ke Israel eyena ɔnɔ enye ke isɔŋ emi: ndien mbɔŋ mi ekutuk aba ikɔt mi. Yak mmɔ enyuŋ eda isɔŋ enɔ ufɔk Israel nte mme esien mmɔ esaŋade.

MICAH 4:3

Ndien enye eyekpe ikpe ke otu ediwak mme idut, onyuŋ asua ɔnɔ mkpɔsɔŋ mme idut tutu osim anyan ebiet; ndien mmɔ eyeda ofut mmɔ edom ŋkpɔ ufuŋ-isɔŋ, enyuŋ eda eduat mmɔ edom ikwa udiɔŋ-eto: ndien idut idimenke ofut itiene idut, idinyuŋ ikpepke aba ekɔŋ.

LUKE 2:52

Ndien Jesus ɔkɔri ke eti ibuot ye idaha, onyuŋ ɔdɔdiɔŋ edi eyen mfɔn-iso ke iso Abasi ye ke iso owo.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

JOHN 7:24

Ekukpe ikpe nte etiede owo ke enyin, edi ekpe edinen ikpe.

MME HEBREW 5:14

Edi ɔkpɔsɔŋ udia enyene mmɔ emi ema ekokoŋ ewɔrɔ idaha, kpa mmɔ emi otode ke nnam-mehe mmɔ ema ekɔ ifiɔk ndidiɔŋɔ se ifɔnde ye se idiɔkde.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.