ISAIAH 10:4 - Edisana ñwed Abasi Ibom

⁴ Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 10:4 ပူးပေါင်းရင်းမြစ်များ

ISAIAH 22:2

Ɔyɔhɔ-ntime, ama-iwok obio, obio mbre: idige ke ofut ke ekewot nditɔ fo emi ewotde, mmɔ inyuŋ ikpaŋake ke ekɔŋ.

ISAIAH 24:22

Eyenyuŋ etaŋ mmɔ ebon ɔtɔ kiet, nte mbon ŋkpɔkɔbi ke obube, enyuŋ ekɔbi mmɔ ebaha ke ufɔk ukwak, ndien ke ediwak usen ema ebe, eyenɔ mmɔ ufen.

ISAIAH 34:3

Ndien eyemen mmɔ eke ekpaŋade afai, eduɔŋɔ, ndien utebe mme okpo mmɔ eyedɔk, iyip mmɔ eyenyuŋ anam ikpɔ obot etara.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 66:16

Koro Jehovah adade ikaŋ ye ofut esie ɔtɔhɔ ye ofuri obukidem: ndien mmɔ eke Jehovah owotde ewak.

ISAIAH 9:11

Ndien Jehovah ɔmɔŋ emenere mme asua Rezin ke enyɔŋ akan enye, onyuŋ edemere mme asua esie:

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:16

Ndien mme mmɔ emi edade mbio emi usuŋ, esin mmɔ ediyo; ndien emesobo mmɔ emi mmɔ edade usuŋ.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:20

Ndien enye awai ŋkpɔ eke edude ke ubɔk nnasia, edi osuk etie biɔŋ; onyuŋ adia se idude ke ubɔk ufien, edi iyuhɔke: kpukpru mmɔ eta idem ubɔk mmɔ.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 15:2

Ndien ama ekem, ke mmɔ edidɔhɔde fi, ete, Nnyin idiwɔŋɔ ika mmɔŋ? Dɔhɔ mmɔ ndien, ete, Ntem ke Jehovah ɔdɔhɔ, ete, Mmɔ emi enimde mmɔ enɔ mkpa, ewɔŋɔ eka mkpa, ye mmɔ emi enimde mmɔ enɔ ofut, ewɔŋɔ eka ofut, ye mmɔ eke akaŋ eka akaŋ, ye mmɔ eke ntaŋ-mfep, yak etaŋ mmɔ efep.

JEREMIAH 37:10

Koro mbufo ekpewot ofuri udim-ekɔŋ mme Chaldean emi eŋwanade ekɔŋ ye mbufo, ndien mmɔ ekpesuk mbio unan mbio unan, kpukpru mmɔ ekpedaha ke enyɔŋ ke tent mmɔ, enyuŋ efɔp obio emi ke ikaŋ.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?