ISAIAH 1:7 - Edisana ñwed Abasi Ibom

⁷ Esobo isɔŋ mbufo, mme obio mbufo eta ikaŋ; ama edi obot iŋwaŋ mbufo, isen owo ke edia enye ke iso mbufo, enyuŋ esobo enye nte ŋkpɔ eke isen owo ebiatde.

ISAIAH 1:7 ပူးပေါင်းရင်းမြစ်များ

2 CHRONICLES 28:5

Ndien Jehovah Abasi esie ada enye esin edidem Syria ke ubɔk; ndien mmɔ esuan enye, enyuŋ etaŋ ediwak owo enyɔŋ eka ke Damascus. Enyuŋ eda enye esin edidem Israel ke ubɔk, ndien enye amia enye akwa ufen.

ŊWED MME PSALM 107:34

onyuŋ anam eti isɔŋ akabare edi inuŋ-inuŋ, ke abaŋa mme idiɔk ido mmɔ emi eduŋde ke esit.

ŊWED MME PSALM 107:39

Ekem mmɔ ekabare ekpri enyuŋ esuhɔre ke ufik, ye utuk, ye afanikɔŋ.

ŊWED MME PSALM 109:11

Yak ɔnɔ ebuɔt omum kpukpru se enye enyenede; yak isen owo enyuŋ ebume kpukpru se enye akpade utom ke esit.

ISAIAH 1:8

Ndien adiaha Zion osuk nte efe ke iŋwaŋ-vine, nte ataya ke iŋwaŋ-ikpan, nte obio eke ekukde.

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

ISAIAH 34:9

Ndien mme idim mmɔŋ esie eyekabare edi itai, ntan esie onyuŋ akabare edi brimstone, isɔŋ esie onyuŋ akabare edi itai eke asakde.

ISAIAH 49:19

Koro mme ebiet fo emi ewurede enyuŋ esomode, ye isɔŋ fo emi abiarade, eyefaha ke emi ekan mme andiduŋ; mmɔ eke ediade fi eyenyuŋ eyom usuŋ.

ISAIAH 5:17

Ndien nditɔ-erɔŋ eyeta mbiet, nte ɔtɔ mbiet mmɔ, isen owo eyenyuŋ edia ndon mmɔ eke ekponide.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

ISAIAH 6:11

Ndien enye ɔbɔrɔ, ete, Tutu mme obio ewure enana mme andiduŋ, mme ufɔk enyuŋ ebiara enana owo, isɔŋ onyuŋ abiara fap,

ISAIAH 60:15

Utu ke ekpɔŋ fi enyuŋ esua fi, owo minyuŋ isaŋake ibe fi, nyenim fi ke nsinsi ubɔŋ, idara ediwak emana.

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

ISAIAH 64:10

Ndisana obio fo emekabare edi wilderness, Zion edi wilderness, Jerusalem edi ndon.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

ISAIAH 9:5

Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 44:6

Ndien ami ŋkaŋwaŋa ifuresit mi ye iyaresit mi, ndien enye asak ke mme-obio Judah, ye ke mme efak Jerusalem; ndien mmɔ ekabare edi ndon ye ndobo, kpa nte edide mfin emi.

JEREMIAH 6:8

Yak eteme fi, O Jerusalem, mbak ukpɔŋ mi ediwɔŋɔre ɔkpɔŋ fi; mbak ndinim fi ke desert, ke isɔŋ eke owo miduŋke ke esit.

JEREMIAH 7:34

Ndien ami nyenam uyom mbre, ye uyom idara, uyo ɔdɔ-ŋwan, ye uyo ŋwan ndɔ, odop ke mme obio Judah ye ke mme efak Jerusalem: koro isɔŋ eyebiara.

ŊWED ESEME 5:2

Emekabare udeme nnyin enɔ isen owo, ekabare ufɔk nnyin enɔ mbon idut.

EZEKIEL 25:4

mmɔdo, sese, ami nyeda fi nnɔ nditɔ edem usiaha-utin, nte eda enyene, ndien mmɔ eyebɔp ebiet ufene mmɔ ke ufɔt fo, enyuŋ enim ebiet iduŋ mmɔ ke ufɔt fo: mmɔ eyedia mfri fo, eyenyuŋ eŋwɔŋ mmɔŋ eba fo.

EZEKIEL 30:12

Nyenyuŋ nnam mme akpa mmɔŋ esat ŋko, nnyuŋ nnyam idut oro nsin mme idiɔk owo ke ubɔk, nnyuŋ nda isɔŋ ye se iyɔhɔde ke esit nsin ke ubɔk isen owo esobo. Edi ami Jehovah ndɔhɔ.

HOSEA 7:9

Isen owo edia odudu esie; ndien enye ifiɔkke: iwat omotibe enye ke ibuot ŋko, ndien enye ifiɔkke.

HOSEA 8:7

Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

LEVITICUS 26:34

Ndien isɔŋ eyedia mme sabbath esie, ke ofuri ini emi enye etiede ke ndobo, mbufo enyuŋ edude ke isɔŋ mme asua mbufo;

MICAH 5:11

nyenyuŋ nsibe mme obio isɔŋ fo mfep, nnyuŋ ŋwuri kpukpru mkpɔsɔŋ ebiet fo:

MICAH 6:13

Ami ŋko nyeyibi fi nnam ɔdɔŋɔ, nnyuŋ nsobo fi mbaŋa mme idiɔk ido fo.

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.

DEUTERONOMY 28:43

Esen owo eke odude ke otu fo eyeforo akan fi eti-eti; ndien afo eyesuhɔre oduk ke idak.

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie: