ISAIAH 1:23 - Edisana ñwed Abasi Ibom

²³ Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 1:23 ပူးပေါင်းရင်းမြစ်များ

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

EXODUS 23:8

Kunyuŋ ubɔ enɔ: koro enɔ otibide mme okut-usuŋ enyin, onyuŋ ɔyurɔde ikɔ ndinen owo.

MME ŊKE 17:23

Idiɔk owo osio enɔ ke ikpanesit, man oyut usuŋ ikpe.

MME ŊKE 29:24

Owo eke abuanade ŋkpɔ ye inɔ, asua uwem esiemɔ: enye eyekop nte ewukde, edi iyarakede.

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

ISAIAH 1:22

Silver fo amakabare edi ifuɔ, wine fo amakabare edi mmɔŋ.

ISAIAH 28:14

Ekop ndien uyo Jehovah, mbufo mbio nsahi, mbɔŋ mbio emi edude ke Jerusalem.

ISAIAH 3:14

Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

ISAIAH 33:15

Owo eke eneŋerede asaŋa, onyuŋ ɔdɔhɔde edinen ikɔ; eke esinde udori utuk ke ndek, esimede ubɔk esie, ete ikumum enɔ, esiride utɔŋ esie, ete ikukop ibaŋa iyip, okubide enyin esie, man okukut idiɔk;

ISAIAH 5:23

eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

JEREMIAH 22:17

Edi enyin fo ye esit fo isehe baba ŋkpɔ kiet ke mibɔhɔke udori fo, ye iyip owo eke miduehe isop, ete iduɔk enye, ke mibɔhɔke utuk ye nnama, ete inam mmɔ.

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 4:17

Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 5:5

Yak mbine ikpɔ owo, nnyuŋ ndɔhɔ ye mmɔ; koro mmɔ efiɔkde usuŋ Jehovah, ikpe Abasi mmɔ. Edi mmɔ emebuŋ ɔkpɔnɔ ubɔk kiet, ekibi ubɔp-ŋkpɔ.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

EZEKIEL 12:2

Eyen owo, afo ke oduŋ ke otu ufɔk nsɔŋ-ibuot, emi enyenede enyin eke ekutde, ndien ikwe; enyuŋ enyenede utɔŋ eke ekopde, ndien ikopke: koro mmɔ edide ufɔk nsɔŋ-ibuot.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

HOSEA 4:18

Eritie ke itie wine omokure: mmɔ eka ekenam use: mme andikpeme enye esɔŋ ema but eti-eti.

HOSEA 5:10

Mbɔŋ Judah ebiet mmɔ eke eseherede adaŋa: nyeŋwaŋa mmɔ iyaresit mi ke idem nte mmɔŋ.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

ZECHARIAH 7:10

Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

NUMBERS 22:7

Ekem mbiowo Moab, ye mbiowo Midian ekama ŋkpɔ idiɔŋ ke ubɔk mmɔ eka; ndien mmɔ esim ke ɔtɔ Balaam, eketiŋ ikɔ Balak enɔ enye.

MATTHEW 21:13

onyuŋ ɔdɔhɔ mmɔ ete, Ewet ete, ufɔk Mi eyekere ete, ufɔk akam, edi mbufo emanam enye akabare edi itie mbon-ŋwo.

MARK 11:17

Ndien Enye ekpep onyuŋ ɔdɔhɔ mmɔ ete, Nte iwetke ite, ufɔk Mi eyekere ete, ufɔk akam kpukpru mme idut? Edi mbufo emanam enye akabare edi itie mbon-ŋwo.

LUKE 19:46

Ewet ete, Ufɔk Mi edidi ufɔk akam, edi mbufo emanam enye akabare edi itie mbon ŋwo.

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

1 SAMUEL 8:3

Edi nditɔ esie isaŋake ke usuŋ esie, edi ewaha etiene udori, enyuŋ ebɔ inyene ekwaŋa ikpe.