ISAIAH 1:16 - Edisana ñwed Abasi Ibom

¹⁶ Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

ISAIAH 1:16 ပူးပေါင်းရင်းမြစ်များ

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

ŊWED MME PSALM 34:14

Wɔŋɔre kpɔŋ idiɔk, nyuŋ nam eti: yom emem, nyuŋ bine enye.

ŊWED MME PSALM 37:27

Wɔŋɔre kpɔŋ idiɔk, nyuŋ nam eti; ndien duŋ ke nsinsi.

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

MME ŊKE 21:3

Jehovah ama erinam eti ido ye edinen ikpe akan uwa.

MME ŊKE 4:27

Kuwɔŋɔre uka nnasia, kunyuŋ uwɔŋɔre ufien sio ukot fo fep ke idiɔk.

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

JONAH 3:8

edi yak owo ye ufene esine ɔfɔŋ-ikpo ke idem, enyuŋ eseme enɔ Abasi ɔkpɔsɔŋ; yak kpukpru owo enyuŋ ekpɔŋ idiɔk ido mmɔ, ye afai eke odude mmɔ ke ubɔk efiak edem.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

MATTHEW 3:8

Esioŋo naŋa mfri eke ekemde ye erikabare esit:

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

1 PETER 2:1

MMƆDO eduɔŋɔ kpukpru udu, ye kpukpru ŋkari, ye mbubik, ye ufup, ye kpukpru idiɔk ibaŋa;

1 PETER 3:11

Yak enye ɔwɔŋɔre ɔkpɔŋ idiɔk, onyuŋ anam eti; Yak enye oyom emem, onyuŋ ebine enye.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.