ISAIAH 1:10 - Edisana ñwed Abasi Ibom

¹⁰ Mbufo mme ebierikpe Sodom, ekop uyo Jehovah; mbio Gomorrah, ekpaŋ utɔŋ ke ibet Abasi nnyin.

ISAIAH 1:10 ပူးပေါင်းရင်းမြစ်များ

GENESIS 13:13

Ndien nditɔ Sodom edediɔk, mmɔ edue Jehovah eti eti.

ISAIAH 28:14

Ekop ndien uyo Jehovah, mbufo mbio nsahi, mbɔŋ mbio emi edude ke Jerusalem.

ISAIAH 3:9

Ŋwud-iso mmɔ ɔbɔrɔ abaŋa mmɔ; mmɔ enyuŋ eyarare idiɔk ido mmɔ nte eke Sodom, idipke. Ifɔnke fɔn inɔ ukpɔŋ mmɔ! koro mmɔ enamde idem mmɔ idiɔk.

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 9:26

kpa Egypt, ye Judah, ye Edom, ye nditɔ Ammon, ye Moab, ye kpukpru mmɔ eke efatde ntaŋ-ebek, emi eduŋde ke wilderness: koro kpukpru mme idut edide edut, ofuri ufɔk Israel enyuŋ edi edut ke esit.

EZEKIEL 13:2

nyuŋ dɔhɔ mmɔ eke etiŋde prophecy eke otode mmɔ ke esit, ete, Mbufo ekop uyo Jehovah;

EZEKIEL 16:35

Akpara, kop ndien uyo Jehovah: ntem ke Ɔbɔŋ Jehovah ɔdɔhɔ ete,

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

AMOS 3:8

Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?

AMOS 9:7

Jehovah ɔdɔhɔ, ete, Nte mbatke mbufo, nditɔ Israel, nte nditɔ Ethiopia? Nte ŋkadaha Israel ke isɔŋ Egypt ndɔk? ye mme Philistine ke Caphtor? ye Syria ke Kir?

MICAH 3:1

NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?

ŊWED MBON ROME 9:29

Ŋko, kpa nte Isaiah ekebemde iso ɔdɔhɔ ete, Ke mikpedige Jehovah mme udim ayak ubon ɔsuhɔ ɔnɔ nnyin. Nnyin ikpakabare itie nte Sodom, ikponyuŋ ibiet Gomorrah.

DEUTERONOMY 32:32

Koro vine mmɔ okotode ke vine Sodom, ye ke iŋwaŋ vine Gomorrah: mfri vine mmɔ edi mfri ibɔk ubio, mme etuek mmɔ ededoro:

ERIYARARE 11:8

Okpo mmɔ eyenyuŋ ena ke efak akwa obio oro esiode enye enyiŋ Sodom ye Egypt ke usem spirit, kpa obio oro Ɔbɔŋ mmɔ nde ɔkɔkɔŋɔde ke cross ke esit.