HOSEA 9:7 - Edisana ñwed Abasi Ibom

⁷ Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

HOSEA 9:7 ပူးပေါင်းရင်းမြစ်များ

2 NDIDEM 9:11

Ekem Jehu ɔwɔrɔ etiene ikɔt ete esie: ndien owo kiet obup enye, ete, Nte ɔfɔn? Idat oro ekedi nso ke ɔtɔ fo? Ndien enye ɔbɔrɔ mmɔ ete, Mbufo emefiɔk owo emi, emenyuŋ efiɔk uyo esie.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 34:8

Koro Jehovah onimde usen usiene, onim isua utip abaŋa ikɔ Zion.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

JEREMIAH 11:23

ndien baba owo kiet idisuhɔke inɔ mmɔ: koro nyeda idiɔk ntiene mbio-obio Anathoth, kpa isua ufen mmɔ.

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

JEREMIAH 23:13

Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

JEREMIAH 25:14

Koro ediwak mme idut ye ikpɔ ndidem eyenim kpa mmɔ ke ifin: ndien ami nyesio usiene ye mmɔ nte ekemde ye utom mmɔ ye se ubɔk mmɔ enamde.

JEREMIAH 29:26

“Jehovah okonim fi ke oku ke ibuot Jehoiada oku, man mme etubom ekpedu ke ufɔk Jehovah, ebaŋa kpukpru owo eke edamade idat, enyuŋ enimde idem mmɔ ke prophet, man afo onyuŋ esin mmɔ ke ebuka ye ke ufɔk ukwak.”

JEREMIAH 46:21

Mbon-ekɔŋ emi enye ekpede okuk ŋko enyuŋ ebiet enaŋ isek ke otu esie, edi mmɔ ŋko ekabare efeŋe ikpat kiet: ikemeke ndida, koro usen nditaha mmɔ omosim mmɔ, kpa ini ufen mmɔ.

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 8:11

Ndien mmɔ ekɔk unan adiaha ikɔt mi enyɔŋ-enyɔŋ, ete, Emem, emem; ndien baba emem iduhe.

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 13:10

Koro, kpa koro mmɔ eyutde ikɔt mi, ete, “Ifure,” ndien ifure miduhe; ndien owo ɔbɔp ibibene; ndien, sese, mmɔ eyet enye ndom.

EZEKIEL 13:3

ntem ke Ɔbɔŋ Jehovah ɔdɔhɔ, ete, Osuk ɔdɔdiɔk ɔnɔ mme ndisime prophet emi etienede spirit idem mmɔ, minyuŋ ikwe baba ŋkpɔ kiet!

EZEKIEL 25:17

Ndien nyenam ikpɔ usiene ke otu mmɔ ke nduari ifuresit. Ndien mmɔ eyefiɔk ete ke ami ndi Jehovah, ke ini ndidade usiene mi ndori mmɔ ke idem.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

EZEKIEL 9:10

Ndien ama edi ami ŋkɔ, enyin mi idinyeneke mbɔm; ndinyuŋ nyakke; mmada usuŋ mmɔ ndori mmɔ ke ibuot.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 5:9

Ephraim eyedi nditaha ke usen ufen: mmasian mme esien Israel se miditreke ndidi.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 9:8

Ephraim odori enyin ye Abasi mi: prophet edi afia ata-ikɔt ke kpukpru usuŋ esie, ye usua ke ufɔk Abasi esie.

AMOS 8:2

Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.

MARK 3:21

Edi ke ini iman Esie ekopde, mmɔ ewɔŋɔ eka ndimum Enye: koro mmɔ edɔhɔde ete, Ibuot ɔbɔhɔ Enye.

LUKE 21:22

Koro mme usen emi edidide ini usiene, man kpukpru se ekewetde osu.

2 ŊWED CORINTH 5:13

Koro edieke ibuot ɔbɔhɔde nnyin, ɔwɔrɔ nnyin ntre ɔnɔ Abasi; onyuŋ edieke nnyin inyenede eti ibuot, edi man ɔfɔn ye mbufo.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.